Aydheea 60:10 - Wëël Jwøk

¹⁰ Wuuö Jwøk aköö jï Jerucalem, ni «Jøøa path, kiir marï ocäŋge geerrø, ni ö nyeye moge ni tïnyge ïïni. Këël na bëëdï niï yaa raanynyø ki gootø mara, mëër mara nyoodha nyoodhø jïrï ki køør bäth ec mara.

Aydheea 60:10 Iomraidhean Croise

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 56:6

'Ba wëëlle thuwø mo wø bëëdö no odwätö ki Wuuö Jwøk, ni wø tïny Wuuö Jwøk, ni wø mëër ki nyeŋ Wuuö Jwøk, ni wø wøør Wuuö Jwøk, ni beege jiy bëët mo wø gwøk cäŋ jwömö ni ba päätge, ni wø laar göök ri luumma tuuda ki jiy,

Aydheea 60:3

'Ba wïth juurre oö yi tar marï, ni ö nyeye ni öge yi däär tar marï mano rieny.

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Aydheea 61:5

Wëëlle otïmö na dïkwääc dïëk moge, ni ö jøøa pathi ni tïmge na jø puur jïge, na jø koor pwöth omøki moge.

Aydheea 64:9

Wui Wuuö Jwøk, kär wëër marï wëëk pöödhö døc bäätwa; kär japa reyø na tïïcwa lääŋŋï këël aŋuudi. Wui, beerra man raŋï wa, kiper waani bëët, waana jiy moï.

Aydheea 66:21

Aani, a jëëdö røkge thuwø ki mo tïïö na dïlämme ki mo tïïya teeŋ tïïc mar jø tuuŋ Libay.

Jool 2:18

Køøre Wuuö Jwøk gïr ŋöömö mare tïmö ni päl cwïnye, ni päth cwïnye ki gïr jiye;

Dhekaraya 6:15

'Ba jøøa kwörge bäyö geno ööi ni kønyge uuni ki geer øtø mar Wuuö Jwøk; køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu. Gïnögø otägi ni näk dwør Wuuö Jwøk, Jwøk maru, leŋu leŋø.»

Mana Nyooth 21:24

'Ba mïëri ocäädhi ki dääre, ni ö nyeye mo piny ni kälge ajiemge yie.

Mana Nyooth 21:26

'Ba ajiem mïëri ki gïïa beyø na en yïthge okälge yi gø.