Aydheea 60:1 - Wëël Jwøk

¹ Wui Jerucalem, päny maal ni rienyï, kiper tar marï aöö; ajiem mar Wuuö Jwøk apïï dëërï.

Aydheea 60:1 Iomraidhean Croise

Aydheea 2:5

'Ba ennø, u na nyïïkwaac Jeekap, ööu, nøø cäädhø ki yi tar mar Wuuö Jwøk.

Aydheea 24:23

Køøre dwääy wïïe olääi, ni ö cäŋŋi ni tïm waŋe ni law, kiper Wuuö Jwøk, eni na wïth jammi bëët, obëëdö na nyeya bäät Kïn Dhayan yi Jerucalem, ni ö ajiemmi mare ni nëëne jï dïbwöthe mo jiye.

Aydheea 28:5

'Ba dïcäŋeca Wuuö Jwøk, eni na wïth jammi bëët, otïmö ni beeye aduda mana mïërö, na adun ajiem kiper jiye moa dööŋ ni kwøw.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 4:5

Køøre Wuuö Jwøk pöölö mo näga jïrö wëëge nirwöc ki dïcäŋ bäät Kïn Dhayan bäre ki jiy moa näk rege ege cooŋ bääte, ni ö tarri mar leep maac ni wëëk gø rieny bäät gø ki wäär; ni ö ajiem mana en bäät Dhayan bäre ni bëëde no ouumö ki gïn mo caala rëëbi.

Aydheea 42:6

ni «Aani, a na Wuuö Jwøk, ïïna cwøla ki køør adïëri mara; ï maa maaø ki cerï ni koora ïïni, ni tïïa ïïni ni ïïna ŋato wëëk luumma tuuda ki jiy thur kare, ni ïïna tar kiper wïth juurre,

Aydheea 58:8

'Ba ni näk mo gïïögø tïïyu tïïö, tar maru rieny kaawat man wø kwäär øwi, ni ö kønynyi maru ni laar nicäär. Bëënynyö maru bwödhö nyïmmu, ni ö ajiemmi mara, a na Wuuö Jwøk, ni en køøru ni koora uuni.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Aydheea 62:2

Wui Jerucalem, bëënynyö marï ojoot wïth juurre, ni ö ajiemmi marï ni jooti ya nyeye bëët; ïïno cwøl ki nyeŋ mo nyään, ni beeye nyeŋ mano cur dhi Wuuö Jwøk.

Aydheea 66:11

Kiper Jerucalem tïmö ni caala miiu; uuno dhøøth kööre ni jäŋŋu ki thunhnhe na beer; uuno mäthi ki caak moe ni mïn yïthu ki caage ni wø muuli ni thööth.»

Aydheea 9:2

Jiy mo wø cäädhi yi muudhö, tar mo dwøŋ oneenge, ni ö jø wø bëëdö yi ŋöömma näk muudhö ni rieny tarri bäätge.

Edhikiel 43:4

Kanyøgø ajiem Wuuö Jwøk aduny yi Øt Jwøk ki dhøk mana en jï løø kur tuul-cäŋ.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mathiew 4:16

jøøa bëëdö yi muudhö, tar mo dwøŋ aneenge, ni kwäär øwi bäät jøøa bëëdö dhi thøø.»

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Luk 2:32

na tar mano nyooth jöö jï juurre, na ajiemma eni jï jiyï ma jø Icriel.»

Jøøn 1:9

'Ba taya näk adïëri na cïpö ki tar jï jiy bëët, beeye eni na ö piny.

Jøøn 12:46

Aana öö ni aana tar kiper piny, nee ŋato jïëy ki aani ni ŋääth aani nee ba dööŋe yi muudhö.

Jøøn 3:19

'Ba gïna käl ajäla bäät jiy beeye en; kiper kanya ö tarri piny, jiy atïmö ni ge mëër ka muudhö ni kaala tar, kiper gïïa tïïcge reyø.

Jøøn 8:12

Ni ö Jecu ni cäŋ cäännö ki geni ni kööe, ni «Aana tac piny. Ŋat wø cäädhi køøra, ba cäädhi yi muudhö këët, 'ba beeye tac kwøw noo joode.»

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Epeca 5:8

Kiper dïkwøŋ uuna muudhö, 'ba kawaane uuna tar ki ri Wuuö. Cäädhu ni uuna nyïï tar.

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,

1 Piter 4:14

'Ba ni näk mo u di caannø kiper nyeŋ Krictø, uuno gwïëdhö, kiper Jwïëy ajiem na näk mar Jwøk bëëdö bäätu.

Mana Nyooth 21:11

ni dëëre da ajiem Jwøk, ni ŋwaŋŋi døc keda waŋ kïdi mo pere leth, ni caal kïn wø ŋwaŋŋi, ni tøŋ døc keda wïlli.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 22:5

Ni bäŋe wäär këët. Ni bäŋ däär lamba mo manyge wala tac cäŋ, kiper Kwäärö Wuuö Jwøk tïmö na tar marge. 'Ba geno bëënni këël na bäre bäre.