Aydheea 6:9 - Wëël Jwøk

⁹ Køøre ena köö, «Ciï, ni caanï gø jï jøøgø ni kööï, «ni ‹Bëëdu ni ïthu you ciiø, 'ba tiere ba kwanynyu; bëëdu nou räŋö, 'ba tiere ba ci cwïnynyu.›

Aydheea 6:9 Iomraidhean Croise

Pwöc Leec Wïc 28:5

Jøøa reyø tier ŋøl ma adïëri bäŋ wø ci cwïnyge, 'ba jø wø many Wuuö Jwøk tier gø wø cøøa cwïnyge bäre.

Aydheea 28:13

Kiper manøgønø, dwør Wuuö Jwøk mano caane kiperge otïmö ni bee en, «Tïïyu gïn, ni tïïyu gïn, gwøgu ciik man, ki ciik man; nyi luubö mo thiinh en, maya ice.» Kanyøgø geno aay, ni päänhge no otaare, ni tøcge, ni päthge ya abïëp, ni mak geni ki tøŋ.

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Aydheea 42:20

«Uuna rääŋö ki jammi mo thööth, 'ba tietge käru kwanyø; ïthu bëëdö ni ŋammø, 'ba bäŋ gïï mo wïnynyu.»

Aydheea 43:8

Käl jiy wøk moa näk nyeŋge dagø, 'ba gena cööye; ni kälï jiy wøk moa näk da ïdhi jïge, 'ba gena meŋŋe.

Jeremaya 5:21

ni ‹Wïnynyu gïn, u na bøøre na wïthu bäŋ acaara, u na jïïu da nyeŋŋi, 'ba u ba nëënö; u na jïïu da ïdhi, 'ba u ba wïnyö.

Edhikiel 12:2

ni «Wär dhaanhø, ï ena dï jiy ma jø ageem. Gena jiy mo da nyeŋ jïge mo raŋ, 'ba ge ba rääŋö; ni da ïdhi jïge mo wïnynyö, 'ba ge ba wïnyö; kiper gena jø ageem.

Odheea 1:9

Ni kö Wuuö Jwøki, ni «Cak nyeŋŋe ni Lö-ammi, kiper u paa jiya, naa paa Jwøk maru.»

Maak 4:12

« ‹kiper nee neenge møn, 'ba tier gø ba jootge. Ni wïnyge gø møn, 'ba tier gø ba kwanyge. Kiper kanymør dëëtge dege løø ni wëën geni.› »

Luk 8:10

ena köö, ni «Beeye uuni na wëëk ŋäc tiet luup moa näk tietge okwøŋ kan kiper buc Jwøk. 'Ba ki jï jø møga, luupögø caan kaamar leer, kiper noo neenge gø, ba jootge; ni wïnyge gø, 'ba tiere ba kwanyge.

Jøøn 12:40

ni «Nyeŋge awëëk Jwøki cøørø, ni tïïc cwïnyge ni teek, kiper nee ba neenge ki nyeŋge, ni ba kwanyge tier gø ki cwïnyge, nee rege ba cäŋge luu baŋa nee ge kønya.»

Wëëlö Mana Göör Pøølli Baŋ Jø Röm 11:8

kaawat mana gööri, ni «Gena mooc Jwøki ki wïdhi mo dhïïl ki nyeŋ mo bäŋ gïn neenge, ki ïdhi mo bäŋ gïn wïnyge, këël dïcäŋi en.»

Tiet Ciik 29:4

'Ba këël dïcäŋi en Wuuö Jwøk u käre mooø ki cwïny ki man ŋäyu tiet gïïa tägö, wala waŋ mo neennu ge ki gø, wala ïth mo wïnynyu ge ki gø.