Aydheea 6:5 - Wëël Jwøk

⁵ Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Aydheea 6:5 Iomraidhean Croise

Wïlöölö 32:31

Kanyøgø cäŋ aput tuulö bääte ni poot na kanya kaal Peniël, ni eni cäädhi ni kwömö ni pätha bäät tiere.

Bwøth Wøk 24:10

ni jootge Jwø Icriel, ni kuna en tiete yie jï piny da gïn mo keda thudhi mo caala kïdi mo paŋŋi ni tøŋ ni caala maal.

Bwøth Wøk 3:6

Ni cäŋ köö, ni «Aana Jwø kwäyï, Jwøa näk Jwø Eeberam ki Aydhak ki Jeekap.» Kanyøgø Modhe täärnyïme aume kiper mana lwäye ki man neen Jwøk.

Bwøth Wøk 33:20

'Ba Wuuö Jwøk acäŋ köö, ni «Ïïni täärnyïma ba løny ki man neenï gø, kiper ŋat maa ee neenø jaak ba cäŋ bëëtö ni kwøw këët.»

Bwøth Wøk 4:10

'Ba Modhe aköö jï Wuuö Jwøk, ni «Wui Awuuö, a paa dhaanhø mo caan luup ŋääe, ki mana bëëda cøøn, këël man cäänï ki aani dïcäŋi en, a na näk laŋŋï; kiper aana dhaanhø mo cäänö teek jïra ni leeba ba rwäänhnhi.»

Bwøth Wøk 6:12

'Ba Modhe mare acaane nyïm Wuuö Jwøk ni kööe, ni «Ennø, këël jø Icriel ki dëëtge mara kärge leŋø. ?A tugi ki Peerø nø, mara oleŋ gø nidïï, aani ni cäänö kuua døøc en?»

Bwøth Wøk 6:30

'Ba Modhe mare acaane nyïm Wuuö Jwøk ni kööe, ni «Ennø, aana dhaanhø mo cäänö kuua døøc. ?Mara owïnynyi ya Peerø nidïï?»

Aydheea 24:16

'Ba øøni, dudi owïnynyø bäät piny bäre, mo köö, na «Ajiem en jï Jwøa beer.» 'Ba aani, aana köö, «Otïmö ni leth jïra! Otïmö ni leth jïra møn! Aana ränynyö! Jø wø tïïc gïï mo reyø ki piny, ge poot bëëdö ni ge tïïya gïï mo reyø; ni ge bëëdö ni ge cäätha maal ki tïï gïï mo reyø.»

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Aydheea 33:17

'Ba uuni nyeya oneennu ki nyeŋŋu ka ajiem mare, ni jootu paana näk ree ee jwaa ni bäär.

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Jeremaya 1:6

Køøre aana köö, «Wui Kwäärö Wuuö Jwøk! Neenï, aani cäänö kuua, kiper a poot thiinh.»

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Edhikiel 12:2

ni «Wär dhaanhø, ï ena dï jiy ma jø ageem. Gena jiy mo da nyeŋ jïge mo raŋ, 'ba ge ba rääŋö; ni da ïdhi jïge mo wïnynyö, 'ba ge ba wïnyö; kiper gena jø ageem.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Daniel 9:20

'Ba kanya bëëda naa cäänö naa lämö naa køpa raay 'moa ki mo jø powa ma jø Icriel, naa peedha kwac mara nyïm Wuuö Jwøk, Jwøk mara, kiper thuur mar Øt Jwøk na en kur keere,

Abakuk 3:16

Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.

Kwään Jiy 17:12

Køøre jø Icriel acäänö ki Modhe, ni köge, ni «Neenï, waana thøw, waana ränynyö, ni putwa ränynyö karwa bëët.

Pïëmme 13:22

Kanyøgønø, Manöa aköö jï cïïe, ni «Ka adïëri møn, ø thøw ennø, kiper Jwøk anø neenø.»

Pïëmme 6:22

'Ba kanya ö Gidienni na joot gø ni manøgø beeye Wuuö Jwøk na nyooth ree kaamar nyïïatwiel maal, ena lwäyö døc ni kööe, «Wui kwäärö Wuuö Jwøk, ï na Wuuö Jwøk ki dëërï, ?ïïna puta neen kiree møn, niï ööi kaamar nyïïatwiel maal?»