Aydheea 6:2 - Wëël Jwøk

² Ni nyïïatwiet maal mo wø cwøl ni cerapim ge cuŋŋö maal bääte, na aciel man nø jïre da bwöm abïciel; bwöm ariiø beege mo wø uumge täärnyïmge ki ge, na ariiø møga beege mo wø uumge tietge ki ge, ni ö ariiø møga ni bëëtge na mo wø määtge ki ge.

Aydheea 6:2 Iomraidhean Croise

Wïlöölö 17:3

Køøre Abram dëëre aleeŋ piny, ni cään Jwøki ki gø ni kööe,

1 Nyeye 19:13

'Ba kanya ö Ilaaja na wïny dwørøgø, täärnyïme aput uum ka aleeŋŋa mare, ni cøøe ni døny wøk ni cuŋŋe dhi øt kïdi. Køøre dwøl aput ö bääte ni kööe, na «?Agïnaŋø ni tïïyï kany, Ilaaja?»

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

1 Nyeye 6:24

Ni bööm kirubël aciel man nø beeye gööye abïïc; ki mana täge ko olwenh böömmö maya këël mana pïïe yo olwenh böömmö maya beeye gööye apaar.

1 Nyeye 6:27

Køøre kirubëlli moøgø akïth dï thääŋ øtø mana en kur keere na pere leth ni bwöpge opeerø, ni maya dëër øtø ee gudö ki böömme, ni ö maya ni gut dëër øtø maya ki böömme maya, ni ö bwöpge moa no odööŋ ni gutge rege dï øtø.

1 Nyeye 8:7

Kiper kirubëlli bwöpge otïïö no opeerø bäät kanya en acanduki yie, ni ö bwöp kirubëlli ni bëëtge maal, na acanduk ki jenni moa kääri ki geni ege rïëbö.

Neemiya 9:6

Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Jööp 1:6

'Ba dïcäŋ aciel nyïïatwiet maal gena ö kuna cuŋge nyïm Wuuö Jwøk, ni ö Ceethan thuwø ni ööe ki geni ciel.

Jööp 15:15

Ni näk Jwøk nyïïatwiet maal moe na en kur keerge käre ŋäädhö, ni këël jap maal kiree ba nëëni ni waany ki nyïme,

Jööp 4:18

'Ba ni näk Jwøk këël jø wø tïny gø ba ŋäädhe, ni eni wø jïtö ki gïï mo obaac nyïïatwieli moe,

Bwøth Wøk 25:20

Ni ö kirubëlli ni bëëtge ni bwöpge ege tïŋ maalø ni ege peerø, ni rëëbi mana näk nyuudhi mar wëën raay ege uumö ki bwöpge ni ge neeta nyeŋge; ni ö kirubëlli ni bëëtge ni wïthge ege kuul bäät rëëbi.

Bwøth Wøk 3:6

Ni cäŋ köö, ni «Aana Jwø kwäyï, Jwøa näk Jwø Eeberam ki Aydhak ki Jeekap.» Kanyøgø Modhe täärnyïme aume kiper mana lwäye ki man neen Jwøk.

Bwøth Wøk 37:9

Ni put kirubëlli bëëdö ni bwöpge ege tïŋ maalø ni ege peerø, ni rëëbi mana näk nyuudhi mar wëën raay ege uumö ki bwöpge ni ge neeta nyeŋge; ni ge bëëdö ni wïthge ege kuul bäät rëëbi.

Aydheea 6:6

Køøre ki røk nyïïatwiet maal mo wø cwøl ni cerapim, aciel dïge amään baŋa ni käädö ki cugö mo wärri mo lwøre bäät gïn wø waaŋ gïï wø jïcge ŋwääi ni met bääte, ni lwøre ka kwäny maac.

Edhikiel 1:11

Manøgø beeye bëëtö mar täärnyïmmi moge. 'Ba bwöpge bëëdö ni ege peerø; ni man nø bwöpe ariiø bëëdö ni rege gudö ki mo wati maya. Ni ö bwöpge ariiø møga ni bëëtge ni dëëtge ege uumö ki ge.

Edhikiel 1:24

'Ba gïïö ni kwøw yøø kanya määtge, dööt bwöm moge awïnynya ni lwör kaamar naam mo pänhnhö, ni caala dwør Wuuö Jwøk, eni na en teeki jïre, ni wïnyi kaamar dööt jø leny. 'Ba kany wø cuŋge, bwöpge dwøkge piny.

Edhikiel 1:4

'Ba ka adïëri møn, ni nëënna, atuunna aputa joot ni kwönnö ki wï piny, mo nëëni kaamar pöölö mo dwøŋ mo maac nigaaŋ yie, ni tar orieny deŋŋe, ni maac mana en ya atuunna manøgø, dïëre wärri kaamar nywïënyö mo di leenyø.

Edhikiel 1:6

'Ba man nø jïre da täärnyïmmi aŋween ki bwöm aŋween.

Edhikiel 1:9

ni bwöpge bëëdö ni man nø rege gudö ki mo watge maya. 'Ba geni, ge bëëdö ni man nø cäätha nyïme ni ba løny ki man lwïthge kany wø aacge.

Edhikiel 10:16

'Ba kany wø cääth kirubëlli, tiet jïëthe moa en deŋge ge puta cääthö thuwø; ni kany wø ö kirubëlli noo peerge bwöpge ni marge määtö, tiet jïëthe moøgø thuwø deŋ kirubëlli ba wecge.

Edhikiel 10:21

'Ba gïïögøøni man nø jïre da täärnyïmmi aŋween, ki bwöm aŋween, ni tiet bwöpge ki jï piny da gïï mo nëëni kede ceŋ dhaanhø.

Daniel 7:10

Naam ma maac bëëdö ni kwödö ni ööa wøk ki nyïme, ni kum jiy ma kume tïnynya eni, ni kum jiy apaar kwöre ma kume apaar cuŋŋö nyïme, ni ö kwääy løøk ni pï piny, ni ö weeli ni jabi.

Daniel 9:21

kanya bëëda naa poot cäänö ki yi lam, Geebriel, ŋata kwøŋa joot yïth lääk dïkwøŋ, amään baŋa døc kar kany wø cïp olämi mar abøøya yie.

Dhekaraya 3:4

'Ba nyïïatwiel maal aköö jï jiy moa näk cuŋŋö nyïme, na «Abïïk Jøcua moø no okïl ki cïlö yøø, kälu wøk dëëre!» Køøre ena köö jï Jøcua, ni «Raŋï, aani raay moï apaanya bäätï; 'ba dëërï orunynya ka abïïe mo beyø.»

Luk 1:10

'Ba lwaa dhaanhø bäre lämö wøk yi kar caanna nyep gïï wø jïcge ŋwääi ni met.

Ibaru 1:7

'Ba mar nyïïatwiet maal, ee caanø, ni «Beeye wø tïïc nyïïatwiete na jamø, ni tïïc laage na lëëp mäc.»

Mana Nyooth 14:6

Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»

Mana Nyooth 7:11

Ni ö nyïïatwiet maalli bëët ni cuŋge deŋ wällögø bäre, ki deŋ jaae ki gïïa näk aŋween na kwøw, ni päthge ki nyïmge nyïm wälu ni wøørge Jwøk,

Mana Nyooth 8:13

Kanyøgø aana nëënnö, ni wïnynya dwør coor mo määdö maal ni rëëdö ki dwøl mo päl, no «Oraac, oraac, oraac, jï jø oen bäät piny kiper dööt tuŋi møga moo cäŋ nyïïatwiet maalli moa na adäk koothø kawaane.»