Aydheea 6:11 - Wëël Jwøk

¹¹ Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Aydheea 6:11 Iomraidhean Croise

Aydheea 1:7

Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 13:12

Aani, jiy mo obøth otïïa ni nøk ni ba joot caar ni kaala warkey mo tøŋ, ni joot na alïm ni kaala warkey mar kanya cwøl no Öpïr.

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 32:14

Kiper paan dwøŋ dööŋ keere, ni ö paana näk jiy thööth yie ni tïme ni bäŋ jiy yie. Thuuri ki uut koor tïmö na kwör bëëte jï lääc paap na bäre bäre, ni tïme na kar kwääk jï arëëni mo paap, ni bëëde na kar kwaath mar dïëk;

Aydheea 35:1

'Ba paaba näk tëën ki ŋöömma näk otal yïthge omïnni; paaba näk tëën oløth ni tïme ni lanhnhi kaamar wï jaath mo oŋøøk.

Aydheea 5:9

Wuuö Jwøk, eni na wïth jammi bëët, akööŋ ni wïnyö jïra ni kööe, ni «Ka adïëri møn, uudi mo thööth odööŋ keerge, këël uudi moa døøŋŋø na mïërö, odööŋ ni bäŋ jiy yïthge.

Aydheea 60:15

«Këël na bëëdï ni ïïno kwierø ni jiy omännö ki ïïni, ni bäŋ ŋat mo cur dïërï, ï na Jerucalem, nyeŋŋï tïŋa maal ka ajiem mo bëëdö na bäre bäre, ni tïmï ni ïïna kar met ec jï beenhnhe moo ööi cään bëët.

Aydheea 64:10

Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Jeremaya 22:6

«Kiper luumma caan Wuuö Jwøki kiper paan dwøŋ man mar nyeny Juuda beeye en: «Ï na paan dwøŋ en, këël na bëëdï jïra niï beer kaamar ŋööm Gelät, niï mïërö kaamar wï Kïn Libaanø, ka adïëri man, aani, ï tïïa tïïö kaamar paap ma tëën, ni tïïa ïïni kaamar päänye mo ba beet.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 44:2

ni «Luumma caan Wuuö Jwøki, Jwø Icriel, eni na wïth jammi bëët, beeye en: Uuni, gïïa leth bëët na kïtha bäät Jerucalem ki bäät mïëri bëët mo Juuda ajootu, ni dïcäŋi ennø ge bëëdö ni geno ränynyö ni bäŋ jiy mo bëëdö yïthge,

Jeremaya 52:27

Køøre nyeny Babiløn jøøgø anääe Ribala, päänya en yi ŋööm Amath. Manøgø beeye jöö mana ö jø Juuda ni käl ge yi ŋöömö marge ni ge mak ki tøŋ.

Edhikiel 6:6

Päänye moo bëëdu yïthge bëët oränynyi, ni ö kwör lam mou moa en bäät thuuri ni ränyge, kiper nee gïï wø cïp olämme mou bäätge nee ränyge ni tïmge ni bäŋgø; ni ö kït gïï wø lammu ni tøyi ni ränyge na bäre, ni ö gïï wø waaŋ gïï wø jïcge ŋwääi ni met bäätge moa näk mou ni ŋødi piny, ni ö jammi moa tïïyu ni putge tïmö ni bäŋgø.

Daniel 8:13

Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Mikiya 5:11

Aani thuwø, päänye moa en yi ŋöömö maru raanynya raanynyø, ni ö kwör gwøk røki mou moa teek ni nyaa ge piny.

Mikiya 6:13

Kiper manøgønø, aani u wëëga täw mo leth ni raanynya uuni, ni ränynyu ki køør raay mou.

Mikiya 7:13

'Ba løø piny mano dööŋ oränynyi ki køør raay mo jø wø bëëdö yie.

Tiet Ciik 28:62

Këël na bëët kwäännu ni thööth kaamar ceer mo maal, kwäännu tïmö ni nøk, kiper dwør Wuuö Jwøk käru leŋø.

Tiet Ciik 28:63

'Ba kaawat man bëët Wuuö Jwøki ni yie met ki uuni en, ni bëëtö maru ee tïïö ni beer, nou ee tïïö nou thööth, Wuuö Jwøk yie otïmö ni met ki man raany uuni thuwø, ni dïïr wïthu. U cööde wøk ki yi ŋöömmo cou yie enø nou lwørru na maru.