Aydheea 6:1 - Wëël Jwøk

¹ 'Ba yi cwiina thøw nyeya ma Udhaya yie, Kwäärö Wuuö Jwøk ajooda no opï piny bäät wälu, ni ena maal ni kare dwøŋ, na abïï mare onijääp piny ni Øt Jwøk ee pääŋö bäre.

Aydheea 6:1 Iomraidhean Croise

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

2 Nyeye 15:7

'Ba Adhariya athøw ni läp køør kwäcge, ni koonyi buut kwäcge yi Pääny Deebit. Ni ö wääde ma Jötham ni läw kar gø na nyeya.

2 Luup Nyeye 18:18

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Jööp 42:5

'Ba aani, luup moï awïnynya ki ïtha, 'ba ennø ïïna jooda ki waŋa kiree.

Bwøth Wøk 24:9

Køøre Modhe ka Aran ki Nadap ka Abiyu ki jiy ma pïërabïriiø røk jø døøk Icriel gena eth maal bäät kïdi,

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Aydheea 12:4

'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Edhikiel 1:1

'Ba na tïme na cwiiri ma pïëradäk, ni dwää aŋween nïre abïïc, naa ena bäät naam Kebar yïthakic jø Juuth moa no omaa ki tøŋ, maal ree ajabe, ni ö Jwøki ni nyuunh aani ki ŋïï ki yi wïïa.

Edhikiel 10:1

Køøre aana lwïthö ni jooda gïna dwøŋ na näk ree ee peerø bäät nyïïatwiet maal mo wø cwøl ni kirubëlli, ki gïn mo kede kïdi mo kïte caala caaro mo nëëni kaamar wälu mo ena wïth kirubëlli moøgø.

Edhikiel 10:4

Køøre ajiem mar Wuuö Jwøk aput nirwöc bäät kirubëlli ni put pïï bäät thudhi mar dhi øt Jwøk. Ni ö øt Jwøki ni put pääŋö ki pöölö, ni yi kal päŋ ki tar mar ajiem mar Wuuö Jwøk.

Daniel 10:17

?A na laŋŋï en, lønye jïra nidïï ki man cääna ki teeŋ ïïni, ï na kwääya en? Kiper aani bäŋ teek mo odööŋ dëëra ennø, ni jwïëy mara teek.»

Daniel 7:9

«Kanya bëëda naa rääŋö, wäle acïp piny karge, ni ö Eni Na Nut Yïth Nïr Acääŋŋe ni pï piny bäät wälu mare. Abïï mana en dëëre tar ni caala piiø, ni jïëc wïïe caala jïëc røømmø mo pøøth. Wälu mare bëëdö ni wärri ki leep maac, ni tiet wälu liel ki maac.

Kwään Jiy 12:8

A cäänö ki eni ni løøŋwa dhøkwa ki gøøni, naa caana luubö mo tiere nëënö, ni paa aŋaade; ni ö eni ni raŋ kïta, a na Wuuö Jwøk. ?Aperŋø nø na käru lwäyö ki man waayu nyeŋ dhaanhnha ma Modhe?»

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 12:41

Luummögø acaan Aydheea kiper na joot ajiem Jecu, ni cääne kiper gø.

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

Mana Nyooth 15:8

Ni ö Øt Jwøki manøgø ni pääŋe ki jïrö mo käla ra ajiem Jwøk ki teege. Ni bäŋ dhaanhø mo løny jïre ki man døny øtø, këël mano ö gïï räny piny karge bïriedi mo nyïïatwiet maal karge bïriet no lønyge.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.

Mana Nyooth 4:10

jaae na näk pïërariiø kurŋween ge wø pätha nyïm eni na näk opï bäät wällögø, ni wøørge gø, eni ni wø bëëdö ni kwøw këël na bäre bäre, ni leeŋge adude moge nyïm wällögø, ni wärge,

Mana Nyooth 4:2

Ni put Jwïëc Jwøki ö bääta. Ni jooda wälu no ocïp piny maalø, ni da ŋat mo opï bäät gø.

Mana Nyooth 4:3

'Ba eni na en bääte nëëni keda kïdi mo ŋwaŋŋi ni mïrri. Ni deŋ wälu bäre da daanø mo nëëni keda kïdi mo mar.

Mana Nyooth 4:9

'Ba kany wø ö gïïo ni kwøw yøø wø jiemge eni na näk opï bäät wälu, ni wøørge eni ni dwøkge met ec baŋe, eni ni wø bëëdö ni kwøw këël na bäre bäre,

Mana Nyooth 5:1

Ni neena wëëlö cer cwïï ŋata näk opï bäät wälu, mo yie ki ŋääe ogöörö, mo omwönö ki möönne abïriiø.

Mana Nyooth 5:7

Ni cøøe ni lwør wëëlö cer cwïï ŋata näk opï bäät wälu.

Mana Nyooth 6:16

ni ge cøøra kïte ko ogeeme, ni «Päthu bäätwa ni kannu waani ki waŋ ŋat en bäät wälu, ki wëëc Nyidiel.