Aydheea 59:9 - Wëël Jwøk

⁹ Kiper manøgønø, ŋøl luup mana näk adïëri kare atïmö ni bäär ki øøni, ni ö bëënynyö ni ba pïïe baŋø. Øøni tar amanynyø, 'ba jammi bëët atïmö na muudhö, ni manynyø tac øw, 'ba øøna tïmö ni ø cäädha yi muudhö.

Aydheea 59:9 Iomraidhean Croise

Jööp 19:8

Eni jöö mara ee gëëŋö ni bäŋ kany mo pöödha ki yie. Eni nyeŋ jïëthe 'moa ee wïrö ki muudhö.

Jööp 30:26

'Ba kanya bëëda ni cwïnya da ŋäädhe ni da gïn mo beer mo öö, atïmö ni ööa gïn mo raac; ni ö kanya bëëda naa køya tar ni tïme ni ööa muudhö.

Pwöc Leec Wïc 4:19

'Ba jöör bëëtö mar jøøa reyø caala bëët muudhö, ni gïï wø cwany tietge ba jootge.

Aydheea 5:30

Dïcäŋeca ge löörö bäätge kaawat man wø lwör athaŋ naama dwøŋ. 'Ba ni näk da ŋat mo raŋa bäät ŋöömö manøgø, eni muudhö ki bëëtö mo leth pute ka joot, kiper tar ree løøe baŋ muudhö ki køør pöölö.

Aydheea 59:11

Øøni bëët øøna jwöŋö kaawat man wø jwöŋ cwienynyi, ni tïmø ni ø ŋurö kaamar akuyi. Øøna bëëdö ni ø koora ŋøl luup ma kare, 'ba atïmö ni bäŋgø, ni manynyø man piem øøni, 'ba kare atïmö ni bäär ki øøni.

Aydheea 59:14

Køøre ŋøl luup ma adïëri adwøk ŋäc, ni ö bëënynyö ni cuŋŋe ni kare bäär; bëët adïëri apäth piny nyeŋ jïëthe, ni ö bëëtö mana thïïŋ ni dööŋe wøk.

Aydheea 59:8

Uuni øtjöör bëët-mëër kuyu, ni bäŋ ŋøl luup ma kare uutjïëthe mou. Uutjïëthe mou you tïïö no oköömmö, ni ŋat wø cør yïthge bäŋ bëët-mëër mo ŋääe.

Aydheea 8:21

'Ba geno bëëdö ni ge thääyö dï ŋöömö ni bëëtö marge leth ni geno 'näk käci. 'Ba kanyo ö käci noo 'näk geni, geno gooti ni cienge nyeya marge ki Jwøk marge ni ge raŋŋa maal.

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Jeremaya 13:16

Jiemmu Wuuö Jwøk, Jwøk maru, kanyo poode ni muudhö poot käre kälö, kanyo poot tietu ni poot käru cwanynyø bäät kïte moa en yi muudhö; ni kanyo lääŋŋu tar, eni tar wiile wiilø na muudhö mo cøl, ni tïïc gø na muudhö mo cøl døc.

Jeremaya 14:19

?Wui Wuuö Jwøk, aŋø, jø Juuda akwierï møn na bäre bäre? ?Aŋø, ïïna put männö ki pääny marge ma Dhayan møn? ?Aperŋø ni caannï waani en, ni tïme ni ba løny ki man døø bëëtö marwa kare en? Waana bëëdö ni wa koora bëët-mëër, 'ba bäŋ gïn mo beer mo oöö; ni koorwa døøn paac kare, 'ba ennø, atïmö ni nuta lwär keere.

Jeremaya 8:15

Øøna bëëdö ni ø koora bëët-mëër, 'ba bäŋ gïn mo beer mo oöö; ni koorø døøn paac kare, 'ba ennø, atïmö ni nuta lwär keere.

Wëël Kïmmö 3:2

Eni, aana køøle, ni tïïc aani naa cäädha yi muudhö ni patha yi tar.

Wëël Kïmmö 4:14

'Ba kawaane ge thäämmö nyeŋ jïëthe kaamar jiy ma cööye, ni tïmge ni ge ba waany ki køør rem jiy moa kønyge piny, ni tïme ni bäŋ ŋat mo løny jïre ki man gut abïïkge.

Amøc 8:9

Man beeye mana caan Wuuö Jwøki, ena köö, ni «Dïcäŋöca cäŋ owëëga pädhö ki dhöör, ni wëëga piny tïmö na muudhö ki dïcäŋ.

Mikiya 1:12

Jø wø bëëdö Maröth geno bëëdö ni cwïnyge pärö kanyo bëëtge ni ge koora gïn mo beer. Kiper gïn mo leth anø öö ki baŋ Wuuö Jwøk, ni nø tïm kare ni cään ki dhi kiir Jerucalem.

Abakuk 1:13

Ïïni, ï tøŋ, niï ba many man neenï gïn mo raac ki waŋï, ni ba løny ki man raŋŋï gïï wø tïïc ni reyø. ?Aperŋø ni neetï jø cwøk jaak en? ?Na aperŋø ni bëëdï niï lïïŋö jaak kany wø öge, ge na jø raay, ni wø thöörge jøøa näk theemma marge ni kaala geni?

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.