Aydheea 59:7 - Wëël Jwøk

⁷ Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Aydheea 59:7 Iomraidhean Croise

Pwöc Leec Wïc 1:16

Kiper tietge wø ŋwieya køør gïïa reyø, ni ge wø lääta baŋ køny rem jiy piny.

Pwöc Leec Wïc 15:26

Acaare mo reyø, Wuuö Jwøk yie raac ki ge, 'ba luup mo tøŋ, ec met ki ge.

Pwöc Leec Wïc 24:9

Gïï wø caar ŋat mo wïïe känni beege raay, ni ö jiyi ni raac yïthge døc ki ŋat abuua.

Pwöc Leec Wïc 6:17

beege nyeŋŋi mo raŋa jiy piny, ki leep ma twöt, ki ceŋ mo wø køny rem jøøa beyø piny,

Pwöc Leec Wïc 6:18

ki cwïny man wø cädö ki gïï mo reyø, ki tiel mo wø läät baŋ raay,

Aydheea 15:5

'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Aydheea 32:6

Kiper ŋat mo wïïe ba leer cara luup mo oballe jaak, ni rääö man wø en cwïnye okadhø, ni bëëdö ni temma raay, ni Jwøk ee kwierø, ni cara gïï mo reyø dëër Wuuö Jwøk; ni tïïya dhaanhø mo onäk käci nee ba jääŋe, ni judha pïï wøk dhi dhaanhø mo onäk riewi.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Aydheea 65:2

Cääŋŋe bëët, a bëëdö ni ceŋŋa yaa thaaŋø baŋ jiy moa wïthge teek, jø wø caath uutjïëthe mo ba beyø, ni wø bëëdö ni ge cäädhi ka køør acaare moge keerge.

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Aydheea 66:4

Kiper manøgønø, ge jëënna jëënnö ka ajäla, a kïtha bäätge ki gïn mo ge lwäär ki gø. Kiper aana cwödö, ni bäŋ ŋat mo ojïëy, ni cääna, ni bäŋ ŋat mo ïthe ee ciiø. Gena tïïö ki gïï mo reyø nyïma, ni jierge jammi mo cwïnya ba mïnni ki ge.»

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 41:7

'Ba kanya tïm jøøgø ni ge pïï dï paac ennø, Icmiel o Nethaniya ki jiye, jøøgø anäkge, ni leeŋge geni yi buur man wø cuŋ pïïyi yie.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 18:12

ni jøøa can na näk oööl caare caarø, ni twëëdö, ni gïn mo ee kälö na dïgïti ba dwøge jï ŋata mäyö baŋe, ni eni bëëdö ni wøøra kït gïï wø lam, ni eni tïïö ki gïï mo yia raac ki ge,

Edhikiel 22:6

« ‹Raŋï mø, dïbwöthe mo Icriel moø ni moï yøø, man nø bëëdö ni dëëre ee kønyø ki teek mare ki man køny rem jiy piny.

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Mathiew 2:16

'Ba kanya nø jooti Eerati ni eno cøøk jøøa kwaan ceer, wïïe ree anoode ki wëër, ni jääge ki jiy, ni ö obwöc cwøw bëët moa en Bethelem ki mïëya en deŋ paanøgø bëët ni nääi, ni beege obwöre moa näk cwiicge oriewi, ki moa käl køørge, ni cwiiri moøgø kwaane ka køør mana wïnynye dhøk jø wø kwaan ceer kanya pëëny ge.

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.