Aydheea 59:4 - Wëël Jwøk

⁴ Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Aydheea 59:4 Iomraidhean Croise

Jööp 15:31

Beerra man ba cøøk dëëre keere ki man ŋääth gïn mo bäŋ tiere, kiper bäŋ gïn mo duue jïre.

Jööp 15:35

Geni, acaare mo reyø otïmö ni ena yïthge kaamar dhaanhø mo ena ec, ni puti nywøl na gïn mo raac. Geni, ge caara jap cwøk.»

Pwöc Leec Wïc 4:16

Kiper ge bäŋ wø buti ni näk bäŋ gïn raac mo ege tïïö, ni nyeŋge ba gämmi kany wø bäŋe dhaanhø mo ege wëëk päth yïth raay.

Aydheea 10:1

Wui, otïmö ni leth jï jø wø kän wøk ki ciik mo reyø, ki jø wø ŋudö ki luup mo ba tiir,

Aydheea 26:18

Waana bëëdö ni wa cooyø ki rääm mo keda mäc lwaar, 'ba bäŋ gïn mo oduu cooyø marwa, ni bäŋ gïn mo beer mo ewa tïïö kiper piny, ni jø bäät piny kär jïtö ki kwøw ki køørwa.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 29:20

Kiper jøøa no ogäy tïmö ni bäŋgø, ni ö jø abuua ni thumge, ni ö jø wø cwïnyge piew ki tïïc gïï mo reyø ni thøwge,

Aydheea 30:12

Kiper manøgønø, man beeye gïna caan Jwø Icrielli na en kur keere, ena köö, ni «Kiper mana kwierru luubö mara, ni tïme nou ŋäätha teek maru ki man caaru jiy, nou cuŋŋa ri cwøk,

Aydheea 30:9

Kiper jøøgø beege jø ageem, ni geno obwöre ma tööte, ni beege obwöre mo wïthge teek ki man wïnyge ciik Wuuö Jwøk;

Aydheea 33:11

Lethø anø ci iï kaamar dhaanhø, 'ba onywølï na luum mo otal, ni ö jam jwïëy marï ni tïme na maac ni cam ïïni.

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Aydheea 47:10

Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Aydheea 5:18

'Ba otïmö ni leth jï jø wø tuut raay bäätge ki jöör tööt, kaawat man wø tuut gïrpiny bäädi ki thøøl, ni wø tuut rääö bäätge kaawat man wø tuut jää okweeny,

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Aydheea 59:15

Kare møn, adïëri arwäänyö, ni ö ŋat wø kwier bëët raay ni tïme ni di caannø. 'Ba kanya ö Wuuö Jwøki na joot gø ni bäŋ ŋøl luup ma kare, yie atïmö ni raac.

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Aydheea 64:7

Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Jeremaya 48:7

Uuni ki dëëtu, uuno mak ki tøŋ ni käl uuni, kiper uuna bëëdö nou ŋäätha tïïe mou ki jap kwärö mou. Jwøu ma Kemöc okïth paac mør ni mak ki tøŋ, eni ki dïlämme moe ki jø wø tïny gø.

Jeremaya 5:1

'Ba Wuuö Jwøk aköö, ni «U na jø Jerucalem, jøøyu dï pääny maru bäre; ni neetu bëët jiy moe døøc nee jootu, ni manynyu kwör acooŋe moe. Ni näk mou jïtö ki dhaanhø mo tïïö na kare, ni manynya adïëri, aani Jerucalem wëënna wëënnö ki køøre.

Jeremaya 7:4

Käru ŋäädhö ki luup cwøk nou cäänö, ni «Bäŋ gïn mo tägi dëëtø, kiper kany beeye kanya en Øt Wuuö Jwøki yie.»

Jeremaya 7:8

« ‹'Ba ennø, u poot bëëdö nou ŋäätha luup cwøk mo bäŋ gïn kønyge dëëtu.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Mikiya 2:1

Otïmö ni raac jï jø wø caar gïï mo reyø, jø wø caar tïï gïï mo reyø kany wø enge kwör niine moge. Ni kany wø ruu øwi ka amöölla, gïna caarge wø putge ka tïïc, kiper jïge oløny ni da teek ki man tïïcge gø.

Moa Tïïc Nyïïatwieli 24:9

Ni ö jø Juuthi møga thuwø ni dwalge dhøkge ni gïïögø bëët beege karge.

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.