Aydheea 59:3 - Wëël Jwøk

³ Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Aydheea 59:3 Iomraidhean Croise

Pwöc Leec Wïc 6:17

beege nyeŋŋi mo raŋa jiy piny, ki leep ma twöt, ki ceŋ mo wø køny rem jøøa beyø piny,

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 30:9

Kiper jøøgø beege jø ageem, ni geno obwöre ma tööte, ni beege obwöre mo wïthge teek ki man wïnyge ciik Wuuö Jwøk;

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 2:34

Maya thuwø, rem jiy moa can na näk bäŋ gïn mo ege baaø akønynyï piny, ni joot remø marge ra abïï marï, ni jøøgø kärï joodø ni ge turö ki øtø. 'Ba këël na näk mo gïïögø bëët ii tïïö,

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 7:8

« ‹'Ba ennø, u poot bëëdö nou ŋäätha luup cwøk mo bäŋ gïn kønyge dëëtu.

Jeremaya 9:2

Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Jeremaya 9:7

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Ennø, ge päära päärö ki gïï mo leth kaamar ŋat wø päär nywïënyö ki maac, ?kiper gïn mør mo daa tïïö kiper jiya agïnaŋø?

Edhikiel 13:8

« ‹Kiper manøgø nø, Kwäärö Wuuö Jwøk aköö: Kiper mana cäänu ki gïï mo patha adïëri nou cara luup tööt ni da gïï mo onyoodhø jïïu, u jääla jäälö. Luummögø caana aani, a na Kwäärö Wuuö Jwøk.

Edhikiel 22:2

ni «?Wär dhaanhø, luum pääny man ŋølï ŋølø? ?Pääny man ni kuny piny ki rem jiy en, luumme ŋølï ŋølø? Japa näk yia raac ki ge bëët na tïïe caanï jïre nee ŋääe,

Edhikiel 35:6

Kiper manøgønø, kaawat man bëëda naa kwøw en, a na Kwäärö Wuuö Jwøk, a caana gø jïrï, jiy moï køørge oŋwiec ni køny remø marge piny. 'Ba kiper mana bëëdï niï ba män ki køny remø piny, køny remø piny odøø bäätï.

Edhikiel 7:23

«Jiiŋ tiimme, kiper piny apäŋ ki jø wø køny rem jiy piny, ni ö päänynyi ni pääŋe ki jø okiera.

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 7:13

Otïmö ni leth jïge, kiper mana paanyge rege buuta! Ränynyö oen bäätge kiper mana gëëmge ki aani! Gena manynya ki man piema geni, 'ba gena tïmö ni ge cara tööt kipera.

Odheea 7:3

Yi nyeya tïïcge tïïö ni met ki japa reyø moge, ni tïïcge yïth kwääri ni met ki tööt marge.

Mikiya 3:4

'Ba da kany mo öö mou jwöŋö dëër Wuuö Jwøk, ni ö eni ni ba løk maru jïïu. 'Ba kar kaace, eni täärnyïme okane ki uuni kiper gïïa tïïyu na reyø.

Mikiya 6:12

Jiy moa no okwär dï pääny, yïthge päŋ ki tïïc gïï mo reyø, ni jø wø bëëdö yi pääny manøgø, ge cara tööt, ni lëëpge cara luup cwøk.

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Mathiew 27:4

Ni kööe, ni «Aana bääyö kiper na cïba ŋat mo bäŋ gïn mo ee baaø ceŋ nyïïmän.» 'Ba adwøkge, ni «?Jïwa dee ŋø? Manøgø ena jïrï keerï.»

1 Timöthi 4:2

kanyo ö tööte moa bäŋ cwïnyge noo cøøkge geni ki tööt marge,