Aydheea 59:20 - Wëël Jwøk

²⁰ 'Ba mana caan Wuuö Jwøki bee en, ena köö, ni «Da ŋat mo wïïla jiy wøk mo ööa yi Dhayan ni ööa baŋu, u na jø dhi øt Jeekap moa køp raacge.

Aydheea 59:20 Iomraidhean Croise

Jööp 19:25

'Ba aani, ŋääa ni pïëmi mara nut ni kwøw, ni noo tïme na aŋuun nïne, eni öö ni cuŋŋe dï piny.

Aydheea 10:21

Jiy moo dööŋ ni kwøw oduui møn, ni beege moo dööŋ ri dhi øt Jeekap, ni ge duua baŋ Jwøa teek.

Aydheea 10:22

Wui Icriel, këël na bëët jiyï ni kwäänge caala akwöny naama dwøŋ, mo nøk keerge moo dööŋ ni kwøw dëëtge beege noo duui. 'Ba ränynyö onø cïp piny, no onø ŋøl kiree na kare.

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Ibaru 12:14

Manynyu ki man bëëdu ki bëët-mëër ki jiy bëët, ni manynyu man tïmu nou ena kur keeru na mo Jwøk, kiper bäŋ ŋat mo Wuuö dee neenø ni näk ba en kur keere.