Aydheea 59:19 - Wëël Jwøk

¹⁹ Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Aydheea 59:19 Iomraidhean Croise

Aydheea 30:27

Raŋŋu, nyeŋ Wuuö Jwøk öö ki kany mo bäär; ni wëër mare liel kaamar maac mo jïye onitul ni cøl; eni wëër døc, ni dwøre bëëdö ni caala maac man wø thöör jammi.

Aydheea 30:28

Dwør jwïëy mar jam dhee lwör kaamar naam mo pänhnhö, mo päŋ ni ena cwaak. Eni wïth juurre di jierø kaawat man wø pëëdhö ki luul, ni kïth dhøkge ki nywïëny dho okweeny man pee geni kar ränynyö ki gø.

Aydheea 45:6

nee tïme ni løny ki man ö jiyi ni ŋäcge gø, ki mano täge ki jï løø kur tuul-cäŋ këël jï løø kur pänh-cäŋ, ni bäŋ Jwøk mør këët ni näk mo paa aani keera. Bee aani na Wuuö Jwøk ni bäŋ Jwøk mør këët.

Aydheea 49:12

Ka adïëri møn, jiya öö ki kany mo bäär, ni møøk käla jï løø wï-piny ni møga käla jï løø kur pänh-cäŋ, ni ö møøki ni kälge paana cwøl ni Cinim.»

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Aydheea 8:7

ennø, a na Kwäärö Wuuö Jwøk, pï Naam Upareeti na thööth ni wø kwönni ni teek jääŋŋa jääŋŋö Juuda, ni beeye nyeya mar Aciria ka ajiem mare bäre; ni tïme kaamar pïï mo onithar yïth nyeŋŋi mo Juuda bëët, këël mano mut ageele moge bëët.

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Mikiya 7:17

Geni, geno ööi ni ge muulö yi tør ki bäp yïthge kaamar thwöl, ki gïï wø muuli ki yïth ŋøøm, ni ge ö wøk ka kwör gwøk røk moge ni dëëtge kwanynyi ki lwär, ni ge ööa nyïmï, ï na Wuuö Jwøk, Jwøk marwa, ni dëëtge miel, ni bëëtge ni ge lwäär nyïmï.

Dhekaraya 4:6

Køøre ena köö jïra, ni «Man beeye dwør Wuuö Jwøk mana caane jï Dherubabel, ena köö, ni ‹Paa ki teek wala ki mak røk, 'ba beeye ki køør jwïëy 'moa.› Manøgø caana Wuuö Jwøki, eni na wïth jammi bëët.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 8:11

A cäänna uuni, ni jiy mo thööth oööi ki jï løø kur tuul-cäŋ ki jï løø kur pänh-cäŋ, ni pïge piny lak cam ki Eeberam, ki Aydhak, ki Jeekap yi buya käl maal;

2 Thecalönika 2:8

'Ba kanyøca nø, Ŋata raac oneen. 'Ba eno 'näk Kwäärö ma Jecu ki jam dhee, ni raany gø, kanyo ööe noo nëëne.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 12:10

Ni wïnynya dwøl mo päl maalø, ni köö, ni «Kawaane, pïëm man piem jiy ki gø, ki teek, ki buc Jwøø, ki teek Krictø na røønye apïï. Kiper ŋat wø wac nyeŋ nyïïmëëgø aleeŋ piny, ŋat wø wac nyeŋge nyïm Jwøø ki cääŋŋe ki wärre.