Aydheea 59:18 - Wëël Jwøk

¹⁸ Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Aydheea 59:18 Iomraidhean Croise

Jööp 34:11

Kiper eni, ŋati man nø cunne cunnö ki køør gïna tïïe; ni ö ŋati man nø ni dwøk japa tïïe wï gø ki køør bëëtö mar gø.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 35:4

Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 40:10

Raŋŋu, Kwäärö Wuuö Jwøk öö ki teek mo dwøŋ, ni teek bade beeye noo käär piny ki gø. Raŋŋu, eni öö ni käära jøøa ööle kiperge, ni beege jiy moa joode ni wø cäädhi nyïme.

Aydheea 49:4

'Ba aana köö, ni «Aana ööl ki jaak, ni ö kwää dëëra ni øc piny ki gïn mo bäŋ tiere. 'Ba ka adïëri møn, luubö mara ena cer Wuuö Jwøk, ni gïno cool jïra ena baŋe, eni na Jwøk mara.»

Aydheea 63:3

Ni løk gø, ni «Aani, wïth juurre anyøra kaawat man wø nyør nyïïomøki yi buur-biic; ni bee a keera ni bäŋ dhaanhø mo okøny aani. Gena nyøra ki gootø mara, ni cwödha ge ki tieta ki wëër mara; ni ö remø marge ni neeker ra abïïna, ni put dëër abïïna bäre gääbö ki gø.

Aydheea 63:6

Wïth juurre anyøra ki gootø mara, ni wëëga ge meerø ki køør wëër mara, ni kønynya remge piny yïth ŋøøm.»

Aydheea 65:6

«Ka adïëri møn, gïïögø bëëdö no ogöör piny nyïma, naa ba lïŋi, 'ba gïïa tïïcge coola coolø. Aani, gïïa tïïcge dwøga bäätge,

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Aydheea 66:6

Wïnynyu dwøl man ni märi yi pääny en, cegu ïthu ki dwøl man ni wïnyi ki yi Øt Jwøk en! Manøgø beeye dwøra, a na Wuuö Jwøk; mara cool kwör dëët nyïïmän 'moa.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 32:19

Acaara marï dwøŋ, ni tïïe moï wø tïïyï ka teek mo dwøŋ, ni waŋï iï peerø bäät uutjïëth tïïe mo jiy bëët, ni ŋati man nø wø cunnï cunnö ki køør bëëtö mare ki tïïe moe.

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Wëël Kïmmö 4:11

Wuuö Jwøk wëër mare akäle ni dwøŋ døc; wëër mare ni wø liel kaamar maac ajääŋŋe; ni leeŋ maac yi Dhayan, ni ö maaci ni put tier kiir Dhayan thöör ki waaŋ bäre.

Edhikiel 23:49

Uuni gïï mo leth ojwørru ki køør käp maru ki wödö man wø wøørru kït gïï wø lam. Køøre nø, ŋäyu ŋääö ni bee aani na Kwäärö Wuuö Jwøk.»

Edhikiel 38:18

'Ba gïno tägi dïcäŋeca bee en: Kanyo ö Gööki noo tuk ŋöömö mar Icriel, aani wëër mara mo lïëth kaamar maac oput ö maal. Luummögø caana aani, a na Kwäärö Wuuö Jwøk.

Edhikiel 5:13

«Køøre wëër mara ni wø liel kaamar maac nijook, ni ö wëërri mara ni døø piny ki geni, ni ö yia ni thume. 'Ba kanyo poot wëërri mara ni ena bäätge, oputge ŋäc ni beeye aani na Wuuö Jwøk na cäänö ki geni ni aano këëyö.

Edhikiel 6:12

Ŋato en kany mo bäär onäk täwi, ni ö ŋato kare cään ni nääi ko opëëllö, ni ö ŋato dööŋ dï pääny noo ciel dïër ni nägi ya käci. Kanyøgø nø, wëër mara owëëga thöör bäätge.

Jool 3:4

«Maya thuwø, u jø Tayar ki jø Caydan ki jiy bëët moa en mïëc Pilitin, ?agïnaŋø na manynyu nee tïïyu dëëra? Aŋø, da kwör mo dou coolø dëëra? 'Ba ni näk mo da kwör mo you caarø ni coollu coolø dëëra, laara ka layø ni dwøga gø dëëtu.

Ciik Kiper Dïlämme 26:28

aani ki dëëra kiree, ageem mara ki uuni puta ka tïïc na wëër dëëtu, ni jääla uuni kwöre abïriiø kiper raay mou.

Neeyam 1:2

Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Luk 19:27

'Ba mar jøø na nyïïmänna yøø, jøøa näk ba many aani naa tïma na nyeya poge, kälu kany, ni 'nägu ge nyïma.› »

Luk 21:22

Kiper nïrögøøni beege nïro cool kwöri yïthge, kiper nee luup moa näk ogöörö nee thurge karge bëët.

Wëëlö Mana Göör Pøølli Baŋ Jø Röm 2:6

Kiper eno cïpi jï jiy bëët, ni ŋati man nø ojïti ki mo orømø ki gïïa tïïe.

Tiet Ciik 32:41

ni tøŋa na beth paa paaø, ni täga ki ŋøl luup, ni tøŋ ena cera. Kwöra coola coolø dëët nyïïmänna, ni jääla jiy mo wø män ki aani.

Tiet Ciik 7:10

'Ba kwöre wø coole coolø dëët jø wø män ki eni, ni put wïthge dïïr. Eni ba ruu ki man cool kwöre dëër ŋat wø män ki eni.

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.