Aydheea 59:17 - Wëël Jwøk

¹⁷ Bëënynyö arøø dëëre kaamar kwöt leny, ni ö pïëm man wø piem jiy ki gø ni kïth gø wïïe kaamar cöör; cool kwöri arøø dëëre kaamar abïï, ni rïëp këëyö dëëre kaamar aleeŋŋa.

Aydheea 59:17 Iomraidhean Croise

Jööp 29:14

Bëënynyö arøøa dëëra kaamar abïï, ni tïïa ŋøl luup ma kare kaamar aleeŋŋa ka abïï man wø loop wïc.

Aydheea 11:5

Bëënynyö mare otïmö kaamar kaw mo ee twöö ŋääe, ni ö adïëri mare thuwø ni tïme kaamar kaw piere.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 37:32

Kiper da jiy mo dööŋ mo tuula wøk ki yi Jerucalem ki bäät Kïn Dhayan. 'Ba gïnögø otïïc Wuuö Jwøki, eni na wïth jammi bëët, ki køør këëyö mare.»

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Aydheea 63:2

Ni pëënynyi, na «?Aŋø, abïïnï tïïyi ŋø ni kwaar kaamar abïïn ŋat mo nyïïomøki ee nyørø yi buur wø bii nyïïomøki yie?»

Aydheea 63:3

Ni løk gø, ni «Aani, wïth juurre anyøra kaawat man wø nyør nyïïomøki yi buur-biic; ni bee a keera ni bäŋ dhaanhø mo okøny aani. Gena nyøra ki gootø mara, ni cwödha ge ki tieta ki wëër mara; ni ö remø marge ni neeker ra abïïna, ni put dëër abïïna bäre gääbö ki gø.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Edhikiel 5:13

«Køøre wëër mara ni wø liel kaamar maac nijook, ni ö wëërri mara ni døø piny ki geni, ni ö yia ni thume. 'Ba kanyo poot wëërri mara ni ena bäätge, oputge ŋäc ni beeye aani na Wuuö Jwøk na cäänö ki geni ni aano këëyö.

Dhekaraya 1:14

Køøre nyïïatwiel maal mana cäänö ki aani aköö jïra, ni «Gøø luubö man piny na ennø nø: Ni man beeye luumma caan Wuuö Jwøki, eni na wïth jammi bëët, ena köö, ni ‹Aani, aana këëyö døc kiper Jerucalem ki Dhayan.

Jøøn 2:17

Kanyøgø bääge wïthge aputge caar ki luumma no ogöörö, ni «Remø mara atwak kiper øtø marï.»

2 Körin 6:7

ki køør caan luup na adïëri, ki køør teek Jwøk, ki køør jap leny mar cer cwïïc ki cer caam, na näk beeye bëënynyö.

Epeca 6:14

Kiper manøgønø, cuŋŋu ni kaw na näk adïëri you twöö ŋäthu, ni kwöt nywïënyö na näk bëënynyö you kïth kööthu,

Epeca 6:17

Ni kääru cöör nywïënyö na näk pïëm man piem jiy ki gø, ko opëëllö mar Jwïëc Jwøk, ni beeye luum Jwøka eni.

1 Thecalönika 5:8

'Ba kiper mana näk mo øøna wäät dïcäŋ, beerra man gwøø dëëtø, ni kïthø kwöt nywïënyö mar ŋäädhe ki mëër kööthø, ni ö pïëmmi mana piem øøni ki gø ni wø ŋäädhø ni kïthø gø wïthø kaamar cöör nywïënyö.

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

Ibaru 10:30

Kiper eni na caan gøøni, ni «Cool kwör beeye mara, ni beeye aani noo cool gø,» ŋääø. Ni cäŋ köö, ni «Wuuö Jwøk mar jiye oŋøle.»

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.