Aydheea 59:16 - Wëël Jwøk

¹⁶ Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Aydheea 59:16 Iomraidhean Croise

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 33:3

Wui Wuuö Jwøk, kany wø määr dwørï, jiy puta bwøk, ni kany wø ööï maal, wïth juurre puta keethø.

Aydheea 40:10

Raŋŋu, Kwäärö Wuuö Jwøk öö ki teek mo dwøŋ, ni teek bade beeye noo käär piny ki gø. Raŋŋu, eni öö ni käära jøøa ööle kiperge, ni beege jiy moa joode ni wø cäädhi nyïme.

Aydheea 41:28

Aana rääŋö, 'ba bäŋ aciel mo jaal dhee. Bäŋ aciel dï juu moøgø mo cïpi ka acaara, ni bäŋ aciel mo oløk pïëc jïra kany wø pëënynya geni.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 53:1

?Aŋø, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 64:7

Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Jeremaya 5:1

'Ba Wuuö Jwøk aköö, ni «U na jø Jerucalem, jøøyu dï pääny maru bäre; ni neetu bëët jiy moe døøc nee jootu, ni manynyu kwör acooŋe moe. Ni näk mou jïtö ki dhaanhø mo tïïö na kare, ni manynya adïëri, aani Jerucalem wëënna wëënnö ki køøre.

Edhikiel 22:30

«'Ba aana määnyö dïge ki dhaanhø mo geer kiir, mo cuŋŋö nyïma kanya no opädhö ri kiir, kiper nee paac ba raanynya; 'ba bäŋ dhaanhø mo yaa joodø.

Maak 6:6

Ni rëëm yie kiper mana kärge jïëy. Ni caath dï mïëri ni pöö.