Aydheea 59:14 - Wëël Jwøk

¹⁴ Køøre ŋøl luup ma adïëri adwøk ŋäc, ni ö bëënynyö ni cuŋŋe ni kare bäär; bëët adïëri apäth piny nyeŋ jïëthe, ni ö bëëtö mana thïïŋ ni dööŋe wøk.

Aydheea 59:14 Iomraidhean Croise

1 Nyeye 21:10

ni kännu ki jiy ariiø mo wïthge reyø, ni cïbu ge nyïme, nee ge cäänge ki luup dëëre, ni ge köö, ni ‹Ïïni Jwøk ki nyeya ajanynyï.› Køøre wär kïthu wøk ni këëru eni ki kïte nee thøøe.»

1 Nyeye 21:11

'Ba jiy mo wø bëëdö pääny mana bëët Naböthi yie, ni beege jø døøŋŋø ki kwääri, gïnögø atïïcge ki køør luubö mana jääŋ Jedhebelli baŋge na caane ki yïth weeli moøgø moa jääŋŋe baŋge.

Luup Dïpööy 3:16

Aani thuwø gïn mør mo yaa cäŋ jootø tier cäŋ piny kany bee en; kanya doo naa kar ŋøl luup ma kare, atïmö ni nuta rääö yie, ni ö kanya doo naa kar ŋøl luup ma adïëri ni tïme thuwø ni nuta rääö yie.

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 46:12

«Cegu ïthu ki mara, u ni wïthu teek en, ni karu bäär ka adïëri.

Aydheea 5:23

jø wø jïëc luum dhaanhø mo mare raac ki køør gïn wø cïp ki piny, ni wø kwier luum ŋata beer na mare thïïŋ.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Aydheea 59:11

Øøni bëët øøna jwöŋö kaawat man wø jwöŋ cwienynyi, ni tïmø ni ø ŋurö kaamar akuyi. Øøna bëëdö ni ø koora ŋøl luup ma kare, 'ba atïmö ni bäŋgø, ni manynyø man piem øøni, 'ba kare atïmö ni bäär ki øøni.

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Aydheea 59:9

Kiper manøgønø, ŋøl luup mana näk adïëri kare atïmö ni bäär ki øøni, ni ö bëënynyö ni ba pïïe baŋø. Øøni tar amanynyø, 'ba jammi bëët atïmö na muudhö, ni manynyø tac øw, 'ba øøna tïmö ni ø cäädha yi muudhö.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 7:28

Køøre ï köö jïge, ni ‹Paac man beeye paac mo luum Wuuö Jwøk, Jwøk mare, ba wïnynye, ni käre pwöc mare na leth wïnynyö thuwø; ni ö adïëri ni rwäänye, ni tïme ni bäŋ ŋat mo cäänö ka adïëri.

Daniel 8:12

'Ba kiper gïïa no obayø, lwaa gïïa en maal ko olämme mo wø cïp cooth acïp dhi cere, ni ö jammi bëët mo wø tïïe ni thurge karge, ni ö adïëri ni leeŋi piny.

Odheea 7:1

«'Ba kany wø manynya gø nee jø Icriel kønya, ni beege jø tuuŋ Ipariem, ki pääny marge ma Cameria, raay moge ki tïïe moge moa reyø puta nëënne. Kiper ge bëëdö ka bëët tööt, ni kuuwe uudi tøcge tøyø, ni dïtwïëte bëëdö nyeŋ jïëthe ni ge twëëdö.

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Amøc 5:7

Gïnögø otägi dëëtu, uuni ni wø wiil ŋøl ma adïëri ni tïïyu gø ni raac, ni leeŋu gïna näk kare piny.

Amøc 6:12

?Aŋø, okwëënyi rïïŋö ki bäät kïte? ?Wala da ŋat mo puura naam ki dhäk? 'Ba uuni ŋøl ma adïëri awiillu, ni tïïyu gø ni raac kaamar cïm, ni døøyu gïïa beyø mo reyø.

Abakuk 1:4

Kiper manøgø nø, ciik atïmö ni ba tïïö, ni tïm ŋøl luup ni ba thur karge. Jø raay jøøa marge beer acielge dïër, ni tïm ŋøl luup ni di wellø.