Aydheea 59:12 - Wëël Jwøk

¹² Kiper gïïa reyø na tïïø atïmö ni thööth døc nyïm Wuuö Jwøk, ni ö raayi moa tïïø ni jäälge øøni; bëëtö marø na raac nëënö jïïø, ni gïïa näk yøø bayø ŋääø;

Aydheea 59:12 Iomraidhean Croise

Edhera 9:13

«'Ba gïïa ö bäätwa bëët ö bäätwa kaper gïïa reyø na temwa, ki raay mowa na døøŋŋø. 'Ba ï na Jwøk marwa, gïïa leth na jäälï wa ki ge ba rømi ki gïïa reyø na temwa; 'ba waana gwøgï, ni weyï waani na mo dööŋ ni kwøw kaawat man bëëde en.

Edhera 9:6

ni kööa, «Wui Jwøk, ï na Jwøk mara, aani wïïa laay ki man tïŋa wïïa maal baŋï, ï na Jwøk mara, kiper gïïa bacwa atïmö ni thööth ni kaala wïthwa, ni ö raayi mowa ni thöönhge no okëët maal.

Neemiya 9:33

'Ba ïïni, marï adïëri ki røk gïïa tägö dëëtwa bëët, kiper ï bëëdö niï tïïya adïëri; ba waani, waana bëëdö ni wa tïïya gïï mo reyø.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Aydheea 64:4

Ki mana käl ya acääŋŋe cøøn, bäŋ jwøk mo owïnynyö wala mo ïth ocieø kipere wala mo oneenø, 'ba bee ï keerï, ï ni wø tïny jø wø koor ïïni.

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Jeremaya 3:2

Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Edhikiel 5:6

'Ba ki køør rääö mare, ciik 'moa ki gïïa köömma eni ki ge akwiere, ni kaala wïth juurre ki mïëri moa en deŋŋe. Eni ciik 'moa akwiere, ni käre cäädhö ki køør gïïa köömma eni ki ge.»

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.

Edhikiel 7:23

«Jiiŋ tiimme, kiper piny apäŋ ki jø wø køny rem jiy piny, ni ö päänynyi ni pääŋe ki jø okiera.

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 5:5

'Ba atöör mar jø Icriel adøø rege; jø Icriel ki jø Ipariem ge pädhö yïth raay moge, ni ö jø Juuda thuwø ni putge pädhö ki geni ciel.

Odheea 7:10

'Ba këël na bëët jø Icrielli na atöör marge okännö ka ajäla bäätge, ge kär jïëy ki man duuge baŋa, a na Wuuö Jwøk, Jwøk marge; naa kärge manynyø, këël na täk japøge bëët.

Abakuk 1:4

Kiper manøgø nø, ciik atïmö ni ba tïïö, ni tïm ŋøl luup ni ba thur karge. Jø raay jøøa marge beer acielge dïër, ni tïm ŋøl luup ni di wellø.

Kwään Jiy 32:23

«'Ba ni näk mo ba tïïyu, u bääyö dëër Wuuö Jwøk; 'ba wär ŋäyu ni raay mou keeru røma rou.