Aydheea 58:7 - Wëël Jwøk

⁷ Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Aydheea 58:7 Iomraidhean Croise

Wïlöölö 19:14

Ni ö Løøti ni døny wøk baŋ cwøw nyïïe moa näk manynya nywöm, ni cääne ki ge, ni kööe, «Ööu maal ni laaru aa wøk paani, kiper Wuuö Jwøk manynya man raany kany ennø.» 'Ba ki baŋ cwøw nyïïe, mare beeye kwääk jaak.

Wïlöölö 19:2

Ni kööe, ni «Wëëga, beerra man gääu paac mana näk mar laŋŋø maru, nou butu yie wääni, nee tietu lwøgu; køøre nø uuno møøl ni pööthu kuna cou yie.» Ni köge, ni «Bäŋ gïre, waani wa buta bura wääni.»

2 Luup Nyeye 28:15

Køøre jøøa cøøri ki nyeŋge kaagø, jiy moa no omaaø ki tøŋ alwørge, ni runyge dëët moa näk cäädhi ka dëëtge ka abïïe ki røk abïïe moa twier, ni moocge jøøgø ka aleeŋŋe ki war, ni moocge ge ki gïn cam ki pïï, ni wïïrge dëët jøøgø ki maaw, ni ö moa näk ba løny ki wääth ni kïthge ge bäät arëëni. Ni dwøkge jøøgø bëët baŋ jø tuuŋge Jerikö, päänya näk da twöe; ni duuge poge Cameria.

Neemiya 5:5

'Ba këël na bëëde ni dëëtwa caala dëët jø pøø, no obwöre mowa caala obwöre moge, waani wäätwa ki nyïïwa wa tïïya geni nee bëëtge na laaŋe, ni nyïïwa møøk ennø onø cam na laaŋe; ni jïwa bäŋ teek, kiper pwöth beel mowa ki pwöth omøki mowa, ge bëëdö na mo jø møøk.»

Jööp 22:7

Ni kärï moa no onäk riewi mooø ki pïï, ni mänï jøøa no onäk käci ki cam.

Pwöc Leec Wïc 11:17

Ŋat wø mëër ki jiy tïïya gïn mo beer kiper dëëre, 'ba ŋat kwöri raanynya dëëre keere.

Pwöc Leec Wïc 22:9

Ŋat wø nyooth mëër jï jiy wø di gwïëdhö, kiper man wø cïpe ri cam mare jï ŋat mo can.

Pwöc Leec Wïc 24:11

Jø wø käl ni kïtha baŋ thøø, piem geni, ni piemï jiy mo cäädhi ni ge näännö mo kïtha baŋ näk.

Pwöc Leec Wïc 25:21

Ni näk mo nyimännï obup, wär mooyï ki cam nee came; ni näk mo ree da riew, wär mooyï ki pïï nee maadhe;

Pwöc Leec Wïc 28:27

Ŋat wø cïpi jï jøøa can ba cänni, 'ba ŋat wø mec waŋe jïtö ka acëënne mo thööth.

Aydheea 58:10

ni näk mo dëëtu you cïbö jï jøøa no onäk käci ki man mooyu geni ki cam, ni wëëgu jøøa näk ocaannø jääŋö kaawat man wø manyge, tar maru orieny yi muudhö, ni ö wäärri ni tïme kaamar dïcäŋ jïïu.

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Edhikiel 18:16

ni eni bäŋ ŋat mo caare, wala ki man kan gïn mo ee kälö na dïgïti ni ba dwøge, ni ba twëëdö, 'ba jiy moa no onäk käci mooe mooø ki cam, ni jiy moa näk cäädhi ka dëëtge, dëëtge runynye runynyö ka abïïe,

Edhikiel 18:7

mo bäŋ ŋat mo caare, ni gïn mo ee kälö na dïgïti dwøge dwøgø jï ŋata mäyö baŋe, mo eni ba twëëdö, 'ba eni cïpö ki cam jï jøøa no onäk käci, ni jiy moa näk cäädhi ka dëëtge, dëëtge runynye runynyö ka abïïe,

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Luk 19:8

Køøre Dhekiya aö maal ni cuŋŋe, ni kööe jï Kwäärö, ni «Kwäärö, neenï, thäŋ jammi 'moa mëëga jøøa can. Ni näk da ŋat mo yaa mødø ki gïrpiny, dwøga dwøgø jïre na aŋween.»

Luk 3:11

Ni løk gø jïge, «Ŋato jïre da abïïe ariiø, wär pääŋŋe ki ŋato jïre bäŋgø. Ni ö ŋato jïre da cam, ni mooc ŋato näk jïre bäŋgø thuwø na enønø.»

Moa Tïïc Nyïïatwieli 16:15

'Ba køøre na nø lwøk dëëre na nyuudhi ki jø paare bëët, waana kwaae, ni kööe, ni «Ni näk you ŋäädhö ni aano jïëy ki Wuuö na adïëri, ööu, ni bëëdu paara.» Ni ö eni ni käre wa wiiø.

Moa Tïïc Nyïïatwieli 16:34

Køøre gena kïth øde ni mooc geni ki cam. Ni mïn yie ki jø paare bëët, kiper na jïëe ki Jwøk ni ŋääth gø.

Wëëlö Mana Göör Pøølli Baŋ Jø Röm 12:13

Nywaagu japu ki jø Jwøk mo wø can, ni bëëdu nou pänhnha jiy.

Tiet Ciik 22:1

«'Ba ni näk da dhaanhø mo dhieŋ wala røømmø mar watge ee joodø no orwäänyö ni cäädhö jaak, kär wiie. Wär dwøk baŋ watge.

1 Timöthi 5:10

'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

Piliman 1:7

Kiper aana jïtö ki met ec mo dwøŋ ki cøm cwïny ki køør mëër marï, coka. Kiper cwïny jø Jwøk amïnnö ki køørï.

Pïëmme 9:2

ni «Caannu ennø, ni wïnyö jï jø Cekam bëët, ni ‹Jierru mana beerra eni ki baŋu. ?Aŋø, beeye gïn mo beer ki man ö wäät Jerubaal bëët na näk pïërabïriiø ki man bëëtge na kwääri mou, wala beerra dhaanhø aciel ki man bëëde na kwäärö maru?› 'Ba uuni, wïthu wär caarru thuwø ki man näk ma aana dhaanhø ma rem dëëtu naa käla dëëtu.»