Aydheea 58:6 - Wëël Jwøk

⁶ «'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Aydheea 58:6 Iomraidhean Croise

2 Luup Nyeye 10:11

'Ba kaawat mana ö wära na tïïc bëëtö maru ni teek ni caala tëër mo peek, aani bëëtö maru cäŋa ka tïïyö ni teek døc ni kaala mana tïïc wära. Wära u pwönynye ka alaŋŋe, 'ba aani, u pwönynya pwönynyö ka alaŋŋe mo lethe caala leth dha agarap.› »

2 Luup Nyeye 28:11

Kiper manøgønø, beerra man wïnynyu mara, ni dwøgu tuuŋu ma jø Juuda moa magu, kiper wëër mar Wuuö Jwøk ni wø liel kaamar maac ena bäätu.»

Pwöc Leec Wïc 24:11

Jø wø käl ni kïtha baŋ thøø, piem geni, ni piemï jiy mo cäädhi ni ge näännö mo kïtha baŋ näk.

Aydheea 1:17

ni kwänynyu ki man tïïyu jammi moa beyø. Bëëdu nou tïïya ŋøl ma kare, ni joogu jøøa no ogäy. Cuŋŋu løø kïïe ki määr thuunhnhi.»

Aydheea 33:15

Beeye ŋat wø bëëdö ki bëëtö ma kare, ni wø cäänö ki luup ma adïëri, ni beeye ŋat wø kweer ki käl jammi ki jöö mo raac, ni wø bëëdö ni ba jïëy ki jammi mo wø cïp ki piny, ni wø ïthe ba ciie ki luup jiy mo nääö ki piny, ni wø män ree ki raŋ gïï mo reyø.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 58:9

Køøre noo cwøllu aani, a na Wuuö Jwøk, aani döötu wïnynya wïnynyö, ni kany wø jwöŋu kiper køny, løøa løø, ni ‹Aani en.› Ni näk mo tëëra peek ni wø caal jaath man wø rïï ŋut dhieŋ ri puur you käl wøk göök jiy; ni weyu jiy ki nyøthø ki lweetu nou jøøŋŋa ge;

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 50:33

Man beeye luumma caan Wuuö Jwøki, eni na wïth jammi bëët, ena köö, «Jø Icriel ki jø Juuda, gena bëëdö ni geno caarø, ni ge bëëdö ni geno koor jøøa mak geni ki tøŋ, ni kweer jøøgø ki man wecge geni nee aacge.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Ciik Kiper Dïlämme 6:5

wala gïna kööŋe ki tööt bäät gø jaak, wär dwøge, ni coole na kare na teeŋ gïneca, ni meet bïï wïthge bääte, ni cïp gø jï wää gïnögø dïcäŋo cïp olämi mare yie mar wëën bääyö mare.

Joona 3:8

'Ba jiy ki lääy keece wär bëëtge ni ena dëëtge, ni ö jiyi ni jwöŋge døc dëër Jwøk, ni ö ŋati man nø ni løk ree ni wec jöör raay moe ki gïïa reyø ni wø tïïe ki ceŋŋe.

Dhekaraya 7:9

ni «Man beeye dwøl mana wara caan Wuuö Jwøki, eni na wïth jammi bëët, ena köö, ni ‹Ŋøllu luup ki jöör ŋøl mana näk kare, ni ö ŋati man nø ni nyooth mëër ki bäth ec mare jï wati maya.

Moa Tïïc Nyïïatwieli 8:23

Kiper ïïna jooda ni ïïna dhaanhø ma ŋat keec ni ïïno twöö yïth raay.»

1 Timöthi 6:1

'Ba jøø bëët ni bëëdö yi laŋ ni caal twöc enø, beerra man ŋäcge kwääri moge no orømø ki wödö ma wøp, kiper nee nyeŋ Jwøk ki pwöc moe bëët nee ba jøøŋŋi.