Aydheea 58:3 - Wëël Jwøk

³ Ge köö, na ‹?Aŋø ni wø ba neenï wödö marwa en kany wø kwierwa cam ni marwa wödö? ?Na aŋø ni wø ba raŋï gø en kany wø dwøkwa dëëtwa piny ni wa mwöl?› «'Ba ka adïëri møn, uuni, kany wø wödu, u tïïya man wø manynyu keeru, nou bëëdö ni jø tïïc mou bëët you thiel piny.

Aydheea 58:3 Iomraidhean Croise

Edhera 8:21

Kanyøgø kanya enwa bäät naam Awaa, aana cïpö ki dwøl kiper nee jøw ba cämge, nee rewa dwøkwa piny nyïm Jwøk marwa ni wa kwaya eni kiper nee waani ko obwöre mowa ki jammi mowa bëët gwøe waŋjöö.

Neemiya 5:7

Ni bëëda naa cädö ki yi ŋedha. Køøre aani, jøøa kwörge døøŋŋø ki jø kööre ajääla ni kööa jïge, ni «Uuni, u bëëdö ni ŋati man nø dïïu møta ŋat poge ki man cool jammi jïïu moa näk ee maaø, ni coole ni da wïthge.» Kiper manøgønø, aana cwötö ka acooŋa mo dwøŋ kiper nee jøw cäänge ki geni.

Jööp 34:9

Kiper ena köö, ni ‹Ki man bëëdö ni døøya yi Jwøk mo met bäŋ gïn mo duue dëër dhaanhø.›

Pwöc Leec Wïc 28:9

Ŋat wø løø ïthe wøk ki man ba wïny ciik Jwøk, këël lam mare kiree tïmö na gïn mo yi Jwøk raac ki gø.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 22:13

'Ba neennu, gïna tïïyu, maru atïmö na kanynyø ni yïthu met, nou cööbö ki dhäk ni ŋädu ki dïëk, ni cämu ki rïŋ ni mädhu ki kwøk nyïïomøki, ni kööu, ni «Cämø ni mädhø nø, kiper kanymør ø thøw diøø.»

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Ciik Kiper Dïlämme 16:29

«'Ba man tïmö na ciik kiperu mo bëëdö na bäre bäre: kanyo tïm nïr dwää abïriiø na apaar, wäru dëëtu dwøgu piny, nou ba cämö, ni bäŋe tïïc mo tïïyu, nee ŋat Icriel wala wëëllö mo path mo bëëdö dïïu;

Ciik Kiper Dïlämme 16:31

Manøgø tïmö ni beeye cäŋ jwömö mar jwöm dëël jïïu na bäre, ni dëëtu you dwøk piny, nou ba cämö. Ni manøgø tïmö na ciik mo bëëdö na bäre bäre.

Ciik Kiper Dïlämme 23:27

ni «Noo tïm nïr dwää abïriiø manøgø na apaar, tïmö ni beeye Cäŋ Man Wø Tïïc Okïdi Yie. Wär tïme ni beeye cäŋ acooŋa mo ocïp kur keere kiperu, ni dwøgu dëëtu piny nou ba cämö, ni cïpu olämi man wø waaŋ ki maac jï Wuuö Jwøk.

Milkiya 3:14

«Ni kööu, ni ‹Ki man tïny Jwøk beeye gïn mo bäŋ tiere.› Ni kööu thuwø, na ‹?Agïnaŋø na jootwa ki køør mana gwøkwa ciik moe, wala ki køør mana bëëtwa ni wa kïmmö nyïm Wuuö Jwøk, eni na wïth jammi bëët?

Kwään Jiy 23:4

Ni ö Jwøki ni røømme ki Beelam, ni kö Beelammi jïre, ni «Aana tïïö ki gïï wø cïp olämme bäätge ma abïriiø, ni cïpa bäät man nø ki rwaath aciel ki nywø røømmø aciel.»

Luk 15:29

'Ba adwøge jï wänni, ni ‹Neenï, cwiiyi ni thööth ii a bëëdö naa tïnynya ïïni, ni dwørï kära dhalø dïcäŋ aciel bäre bäre. 'Ba bäŋ dïcäŋ aciel maa iï mooø ki nyidiel nee yia mïnne ki nyïïawääta.