Aydheea 58:14 - Wëël Jwøk

¹⁴ køør japøgøøni, u jïtö ki met ec baŋa, a na Wuuö Jwøk. U tïŋa maal bäät piny, ni wëëga u cam gïïa beyø yi ŋöömma ci jï kwaru ma Jeekap.» Luummögø caana Wuuö Jwøki ki dhee kiree.

Aydheea 58:14 Iomraidhean Croise

Jööp 22:26

'Ba ka adïëri møn, yiï omïnni ki eni na en teeki jïre, ni wëëgï täärnyïmï løø maal baŋe, eni na Jwøk.

Jööp 27:10

?A eni, yie wø mïnnö ki Jwøa en teeki jïre, wala løny ki man ö eni ni cøør Jwøk ki yïth nïne bëët?

Jööp 34:9

Kiper ena köö, ni ‹Ki man bëëdö ni døøya yi Jwøk mo met bäŋ gïn mo duue dëër dhaanhø.›

Aydheea 33:16

Teeŋ ŋatøgø, kar bëëtö mare otïmö ni ena maal bäät kïdi, ni tïm kïdi na kar gwøk røk mare, ni tïm cam mare ni di cïbö jïre, ni pïï moe moo maadhe ba cöök.

Aydheea 34:16

Wëël Wuuö Jwøk japï ni kwaanï luup moa no ogöörö yie. Bäŋ gïrpiny aciel dëët gïïögø mo rwäänyi, ni bäŋ aciel mo bëëdö keere ni bäŋ watge. Kiper beeye Wuuö Jwøk na kööm ge, ni beeye Jwïëye na cooŋ ge.

Aydheea 40:5

Køøre nø, ajiem mar Wuuö Jwøk onyooth, ni ö jiyi bëët ni putge gø raŋ ge bëët. Luummögø caana Wuuö Jwøki ki dhee kiree.»

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Jeremaya 3:19

«'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Edhikiel 36:2

Man beeye luumma caan Kwäärö Wuuö Jwøki, ena köö, ni ‹Nyïïmän mou gena ŋeethø bäätu ni buuge uuni ni köge, ni «Thuuri moa bäyö na käl ya acääŋŋe adööŋ jïwa na mowa.» ›

Mikiya 4:4

'Ba ŋati man nø otïmö ni bëëdö tier jaath omøk mare ki tier olaam mare ni yie met jaak, ni bäŋ ŋat mo wëëk geni lwär; kiper Wuuö Jwøk, eni na wïth jammi bëët, bee eni na caan luummögø ki dhee kiree.

Mathiew 24:35

Maal ki piny opöödhi, 'ba luupa ba dak.

Tiet Ciik 32:13

«Gena wëëk Wuuö Jwøki bëëtö kwöra perge leth bäät thuuri; ni camge cam mana ciek yïth pwöth. Ni ö Wuuö Jwøki ni caam ge ki maar kïc man wø joot yi kïdi; ni caam ge thuwø ki mäth jenni mo wø piith yi ŋöömma näk gii.

Tiet Ciik 33:29

U na jø Icriel, uuna jiy mo dëëtu gum. ?Aŋø, da jiy mo caala uuni mo okøny Wuuö Jwøki kaamar maru? Eni caala kwöt leny maru, ni beeye eni wø køny uuni. Eni caala opëëllö mo uuno jïtö ka ajiem ki køøre. Ni tïm nyïïmännu ni lwäär ki uuni, ni putu geni böötö na bäre.»

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.