Aydheea 58:12 - Wëël Jwøk

¹² Jiy moo ööi ki rou, mïëri mo acääŋŋe moa no oränynyö odwøkge karge, ni ö kwöra no opädhö ri kiir mana no ojal ni tïŋge ge maal ni ge geera ge. Køøre u di cwølø ni jøøa cäŋ kiir mana no opädhö geerrø, na jøøa dwøk uutjïëthe ki uudi karge.»

Aydheea 58:12 Iomraidhean Croise

Neemiya 2:17

Køøre aana cäänö ki geni ni kööa, ni «Uuni, bëëtö man ni raac ni enø yie en nëënö jïïu, ni Jerucalem bëëdö no oränynyö, ni dhøgi mo kiir mare owaaŋø ki maac. Uuni, beerra man ööu ni cäŋø kiir mar Jerucalem geerrø, kiper nee ø ba bëëdø këët ni ø di jøøŋŋø.»

Neemiya 2:5

'Ba kanya lønya ki lam, aana köö jï nyeya, ni «Nyeya, ni näk mo beeye gïn mo beer ki jïrï, ni a na dhaanhnhï, a bëëdö ni mara beer nyïmï, beerra man weyï aani naa døøa Juuda naa cøøa pääny mana en bwöc kwäcwa yie nee cäŋa geerrø.»

Neemiya 6:1

'Ba kanya caani jï Cenbalat, ki Thöbiya, ki Gëcam nyen ma Araba, ki jï nyïïmän mowa bëët, 'ni aani kiir yaa cäŋ geerrø, ni bäŋ kany mo ŋaam këët dëëre, këël na bëëde kar kaaca ni aani odhuule poot kära kïth dhøk kiir,

Jööp 3:14

kaamar nyeye ki jøøa wïthge leer na käär mïëri na gëën dëëtge ki päänye moi no oränynyö dïcäŋi en.

Aydheea 30:13

raay moøgø duua bäätu, kaawat man wø muk kiirri mo bäär, ni päth piny na thäŋi yie aciel.

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 49:8

Man beeye dwøl mana caan Wuuö Jwøki, ena köö, ni «Ki kanyo näk ma kare, løk pïëc marï løøa løø jïrï, ni kønya ïïni dïcäŋo näk cäŋ pïëm man piem jiy yie. Ïïno gwøa ni tïïa ïïni ni ïïna ŋato wëëk luumma tuuda ki jiy thur kare jïge, ni cäŋï ŋöömö manøgø dwøk kare, ni tïïyï kwöra no odööŋ keerge nee cäŋ beetø;

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Aydheea 61:4

Køøre mïëri moa no oränynyö ya acääŋŋe odwøkge karge, ni ö japa no oniruuth piny no oränynyö ni tïŋge ge maal; ni ö päänye moa no oruuki na beet beenhnhe moa pöödhö ni cäŋge ge geerrø.

Jeremaya 31:38

Wuuö Jwøk aköö, ni «Ka adïëri møn, da nïne mo öö, mo pääny Jerucalem cäŋ ka geerrø jï Wuuö Jwøk, ni tägi ka ri Øt Koor Mar Ananel këël mano këët dhi kiir mana cwøl ni Gøøt.

Edhikiel 13:5

Ge kär ci kuna koorge kwöra ŋaam dëër kiir, ni bäŋe gïn mo ege tïïö ki man cäŋge kiir geerrø deŋ Icriel, nee jø Icriel cuŋge ri leny mar cäŋ Wuuö Jwøk.

Edhikiel 36:33

«'Ba man beeye luumma cäŋ Kwäärö Wuuö Jwøki caannø, ena köö, ni ‹Dïcäŋo penya uuni yïth raay mou bëët, u cäŋa ka wëëk bëëtö yïth päänye mou, ni ö kwöra no oränynyö ni cäŋi geerrø.

Edhikiel 36:4

kiper manøgønø, u na kïte mo Icriel, wïnynyu dwør Kwäärö Wuuö Jwøk. Luumma caan Kwäärö Wuuö Jwøki jïïu, u na kïte mo Icriel, ki thuuri, ka aleye, ki gøli, ki kwöra no oränynyö, ki u na päänye moa no odööŋ na tëën, na twier na tïmö na gïr abuua jï wïth juurre moa en deŋŋu,

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Amøc 9:14

Jiya ma jø Icriel moa näk omaa ri leny oduua poge, ni cäŋge wïth mïëri moa no oränynyö geerrø, ni bëëtge yïthge; ni piithge jer omøki, ni maathge kwøk gø; ni tïïge ka ajïniine ni camge nyïïjer gø.

Mikiya 7:11

U na jø Jerucalem, da nïne mo öö mo kiir maru geerru geerø, ni yïth nïne moøgø, nyeŋ kee mar ŋöömö maru nyiiga ŋäthge kuya.