Aydheea 58:11 - Wëël Jwøk

¹¹ A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 58:11 Iomraidhean Croise

Jööp 5:20

Eni ï gwøe gwøø ki thøø cer käc, ni gwøk ïïni ki thøø ri leny.

Dut Pwøc 1:3

Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Pwöc Leec Wïc 11:25

Dhaanhø mo yie tar bëëtö mare bëënynyö, ni ŋat wø kunynyi di kønyø thuwø.

Pwöc Leec Wïc 13:4

Ŋat leth dëël gïï wø pare ni wø en cwïnye køørge ba joode, 'ba ŋat mo rweenhnhi ri tïïc bëëtö mare bëënynyö.

Pwöc Leec Wïc 28:25

Ŋat mo cwïnye päl, pïëm wø di tääö, 'ba ŋat wø bëëdö ni ŋäätha Wuuö Jwøk, bëëtö mare bëënynyö.

Pwöc Leec Wïc 3:8

Bëëtö manøgø ïïno mooe ki jööt dëël, ni wëëk cuu moï tëënnö.

Obeec Dudi 4:15

Ïïni, ï caala jøøro mo ena ya ajïniina, niï caala iith mo pïïe met, niï bëëdö kaamar waŋ naam mo kwönni ka yi Kïn Libaanø.

Aydheea 27:3

Aani, a na Wuuö Jwøk, beeye noo gwøk gø. Aani, a bëëdö naa jøøya gø ki pïï cooth. Aani, a bëëdö naa koora gø ki waŋcäŋ ki wäär, nee bäŋe ŋat mo raanynya gø.

Aydheea 33:16

Teeŋ ŋatøgø, kar bëëtö mare otïmö ni ena maal bäät kïdi, ni tïm kïdi na kar gwøk røk mare, ni tïm cam mare ni di cïbö jïre, ni pïï moe moo maadhe ba cöök.

Aydheea 41:17

«'Ba jøøa can ki jøøa no oööl ge bëëdö ni ge manynya pïï, ni ge ba jïti, ni ö lëëpge ni bëëtge no otal ki riew. 'Ba a na Wuuö Jwøk, döötge wïnynya wïnynyö, ni kønya geni, ni ba wiia geni, a na Jwø Icriel.

Aydheea 44:4

ni ö geni ni tïmge kaamar gïï mo tuul wøk ka yïthakic luum, ni caala jenni mo ena deŋ naam.›

Aydheea 49:10

Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Aydheea 57:18

Aani uutjïëthe moge ajooda, 'ba ge kønya kønyø; geno bwødha ni cäŋa cwïnyge cømmø, ge ni wø bëëdö ni ge kïmmö,

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Jeremaya 17:8

Kiper eni tïmö ni caala jaath mo opiith lak naam, ni wø lweete këët piny, ni bäŋ gïn mo lwääre kany wø lëënh pinynyi; 'ba bøøge moe bëëdö ni marr jaak, ni bäŋ gïn lääŋŋe kiper yïth cwiiri mo meel, ni eni ba kääŋi ki man nyööte ki nyïëdi.»

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Edhikiel 36:35

Køøre nø, jiy ge köö, «Ni pwöth moi na bëëdö no odööŋ keerge anø tïmö kaamar ajïniina mar Ëden; ni ö päänye moa no oniruuth piny no oränynyö ni cäŋi geerrø ni teek ni døø jiyi yïthge.»

Odheea 13:5

Aana bëëdö nou yaa gwøø kanya enu dï paap, yi ŋöömma no otal.

Jøøn 16:13

'Ba kanyo ö Jwïëc Jwøki ni wø cïp adïëri, moa näk adïëri bëët onyoodhe jïïu. Kiper eni bäŋ gïn mo caane ki wïïe keere, 'ba man wäro wïnynye beeye noo caane. 'Ba japo tägi yi nyïm, ocaane jïïu.

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 7:38

Ŋato jïëy ni ŋääth aani, cwïnye ojïti ki näm mo kwödö ki pï kwøw, kaa mana caani ya wëël Jwøki.»

Tiet Ciik 15:4

'Ba ni näk mo gïnögø you tïïö, otïmö ni bäŋ ŋat pou mo can dïïu, kiper Wuuö Jwøk na näk Jwøu uuno gwïëdhe yi ŋöömmo lwørru noo cïbe noo dööŋ jïïu na maru.

1 Thecalönika 3:11

'Ba kawaane, Jwøø na näk Wääø ki dëëre, ki Kwääyø ma Jecu, waano nyuunhnhe ki jöö man öwa baŋu ki gø.