Aydheea 57:9 - Wëël Jwøk

⁹ Uuna ci baŋ jwøa cwøl ni Mölek, ni cïpu jïre ki mädhi ki riie mo thööth; jiy mou ajääŋŋu kany mo bäär døc baŋ juu møøk, këël mana pïïcge piny kuya kar bëët jwïëc jøøa no othøw.

Aydheea 57:9 Iomraidhean Croise

Pwöc Leec Wïc 7:17

Ni jøra kar niine mara ki riia mo ŋwäänynye met, ni pøra tør apøk jenni mo ŋwäänyge met thuwø.

Aydheea 2:9

Ki køør japøge, jiy wïthge adwøk piny, ni ö jøøa kwörge døøŋŋø ni dwøgi piny. 'Ba kär niï wëënna ge.

Edhikiel 16:33

Jiy bëët mo wø gath dëëtge ki käp, ge wø di cunnö ki gwel, 'ba ïïni, ï cïpö ki muuce jï omëërri moï jaak niï ŋeewa geni ki man öge baŋï ki kwöra enge yïthge bëët, ni käbï ki ge.

Edhikiel 23:16

'Ba kanya jooti ya nyaanøgø jaak, ena put tïmö ni cwïnye pärö kiperge, ni put jääk baŋ jø Babiløn yi ŋööm Kaldia ki jiy.

Edhikiel 23:40

«Geni thuwø ge jääga baŋ jiy mo kwörge bäyö nee öge. 'Ba kanyo ö jøøgø, dëëtge putge ka lwøk kiper jøøgø, ni rwøthge nyeŋge, ni kïthge dëëtge ki jap mïërö.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 7:11

'Ba jø tuuŋ Ipariem gena tïmö kaamar akuuru ma acaara mare thiinh, mo ba cädö na wøp. Geni jø Ijep cwølge cwølø ennø, ni ge cäŋa døø baŋ jø Aciria.

Köløcia 2:18

'Ba kär dee ŋat jääl uuni ni caana gø, ni «Dwøgu rou cään,» ni «Wøørru nyïïatwiet maal,» ni eni ŋäya lääk moe keere, ni eni töödö kiper gïn mo bäŋ tiere, kiper cwïnye na poode køør mo piny,