Aydheea 57:5 - Wëël Jwøk

⁵ Juu mou na näk patha adïëri lammu nou døøa dëëtu ki käp tiet jenni moa no onigïït piny, ni nyïïu ŋallu ŋallø ni cïpu ge jïge no olämme deŋ nyeŋ näm ki tiet agäp-kïte.

Aydheea 57:5 Iomraidhean Croise

1 Nyeye 14:23

'Ba geni thuwø, gena gëëdö ki kwör lam bäät thuuri kiper dëëtge, ni cööthge piny ki kïte ki jenni moa no otieŋø na no ocaa ri jwøa cwøl na Acara na gïï lamge bäät thuuri moa bäyö bëët ki tiet jen bëët moa no onigïït piny.

2 Nyeye 17:10

Ni ö geni ni cööthge piny ki kïte ki jenni moa no otieŋø na no ocaa ri jwøa cwøl na Acara kiper dëëtge na gïï lamge bäät thuuri ki tiet jen bëët moa no onigïït piny.

2 Nyeye 17:7

'Ba gïnögø tägi kaper mana ö jø Icrielli na tïïge ki raay dëër Wuuö Jwøk, Jwøk marge, na käl geni wøk ki yi ŋööm Ijep cer Peerø nyeny Ijep, kanya bëëtge ni ge wøøra juu møøk,

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

2 Luup Nyeye 28:3

Ni eni wääŋö thuwø ki jer wø jïcge ŋwääi ni met ya agäm-kïn Ben Inöm, ni waaŋ wääte ki maac, ni cïpa ge no olämme, ni eni caatha køør gïïa raac yi Jwøki ki ge na tïïc wïth juurre moa riem Wuuö Jwøki wøk nyïm jø Icriel.

Bwøth Wøk 32:6

'Ba na tïme na amöölla cøøn gena put päny maal ni cïpge ko olämme mo wø waaŋ, ni känge ko olämme mo wø duunni ki mëër; ni ö jiyi ni pïge piny ni cämge ni mäthge, ni öge maal ni mielge.

Aydheea 1:29

Uuni wïthu lääö kiper mana bëëdu nou lama jenni mo wø en cwïnynyu køørge, ni bëëdu ni wïthu lääö ki lam mana tïïyu kwöra näk you jierø yïth ajïniine.

Jeremaya 17:2

Geni, gïï wø cïpge olämme moge bäätge, ka arïëki moge mo wø cwøl na Acara, na en tiet jenni moa näk onigïït piny bäät thuuri, wø lääŋge lääŋŋö, ni caala man wø lääŋge obwöre moge.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 3:6

'Ba ki yïth nïra beet nyeya ma Jöcaya, Wuuö Jwøk acäänö ki aani, a na Jeremaya, ni kööe, ni «?Gïna tïïc Icrielli na caal dhaagø mo cwïnye ogaa wøk ajootï? Ena ci kwör lam moa en bäät thuuri moa bäyö ki tiet jenni moa no onigïït piny bëët, ni bëëde ni tïïya tïï käp kwöreke.

Jeremaya 32:35

Ni gëëtge ki kwör lam jï Baal ya agäm-kïdi mana cwøl ni Ben Inöm, nee wäätge ki nyïïge waaŋge no olämme kaace jï Mölek, ni beeye gïn mo ge kära köömmö ki man tïïcge gø, na acaac gïnögø bäŋgø mo ö wïïa thuwø ki man tïïcge gïïögø ni ec raac ki ge døc yøø, ni wëëkge jø Juuda bääyö.

Jeremaya 50:38

Ajäl meel opïï yi ŋöömö mare bäre, pï näm moe otal! Kiper beeye paac mo bëënna juu mo otieŋø, ni wø bøøl ri juu mo otieŋø ni wø duu lwär.

Jeremaya 51:7

Babiløn abëëdö ni ena cer Wuuö Jwøk kaamar ogubany warkey mar ajäla, na wëëk bäät piny bäre meerø. Eni, wïth juurre bëët mo bäät piny amaadhe ki køøŋ ogubanynyøgø ni meerge, ni putge bëëdö kaamar bøøre.

Jeremaya 7:31

Gena gëëdö ki kwör lam kanya cwøl ni Töpeth, na en ya agäm-kïdi mana cwøl ni Ben-Inöm, kiper nee wäätge ki nyïïge waaŋge no olämme kaace, ni gïnögø beeye gïn mo ge kära köömmö ki man tïïcge gø, na acaac gïnögø bäŋgø mo oö wïïa thuwø.

Edhikiel 16:20

« ‹Obwöc cwøw moï ko obwöc mään moï moa nywøla ki ïïni acïpï no olämme jï kït gïï wø lam ni tïmge na cam kiperge. ?Aŋø, bëët käp marï man wø gathï dëërï poot ba rømi nø?

Edhikiel 20:26

gena tïïa nee tïmge ni ge ba waany ki køør mana ö obwöre moge bëët moa näk kaai ni waaŋge ge ki maac ni ge cïpa ge no olämme. Ni manøgø a wëëga ge ränynyö, kiper nee ŋäcge ni bee aani na Wuuö Jwøk.›

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Edhikiel 20:31

Kany wø cïpu muuce mou, ki kany wø kïthu wäätu yi maac nou waaŋa geni no olämme, u tïïya dëëtu ni ba waany ki kït gïï wø lammu bëët këël dïcäŋi. ?Wui, u na jø Icriel, u jïëa jïëö këët ki man pëënynyu aani? 'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, a ba pëënynyu këët.

Edhikiel 6:13

Køøre nø, oŋäcge ni bee aani na Wuuö Jwøk kanyo jootge jiy moge no othøw yïthakic kït gïï wø lamge, deŋ gïï wø cïp olämme moge bäätge, ki bäät thuuri moa bäyö, ki wïth kïte bëët, ki tiet jenni moa no onigïït piny, ki tiet jera teek bëët na bäyö, ni beege kwöra wara wääŋge yie ki jer wø jïcge ŋwääi ni met jï kït gïï wø lamge bëët.

Ciik Kiper Dïlämme 18:21

« ‹Ki røk obwöre moï kär dee gø mo jïëyï jïëö nee ge cïp no olämi jï jwø wø cwøl ni Mölek, kiper tïmö niï pääta nyeŋ Jwøï; ni beeye aani na Wuuö Jwøk.

Kwään Jiy 25:6

'Ba kanya pootge dho oduŋkaany røømmø, ni ge kïmmö, ŋat Icriel aciel aput kännö ki nyi jø Midien ni kïth gø yo oduŋkaara mare, ni nëënö jï Modhe ka acooŋ Icriel bäre.

Tiet Ciik 12:2

Wïth juurre moo ŋøøpge lwørru, kwör wø lamge juu moge yïthge bëët moa en bäät kïte moa bäyö, ki moa en bäät thuuri, ki moa en tiet jenni moa näk onigïït piny bëët wär raanynyu na bäre bäre.

Mana Nyooth 18:3

Kiper mïëri bëët amädhö ki køøŋø mar käp mare, ni ö nyec pinynyi ni käpge ki gø, ni ö jø wø dääbö ki japge piny ni kwärge ki køør käp mare na raac døc.»