Aydheea 57:3 - Wëël Jwøk

³ Wuuö Jwøk aköö, «'Ba uuni, u na wäät jø thïëth, na wäät kääpe, u na wäät jø wø gath dëëtge ki käp, ööu kany!

Aydheea 57:3 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 45:20

«Dwallu rou na aciel ni ööu! Nyänhnhu kany mo cään na aciel, u na wïth juurre moa no obøth. Jiy mo wø käär jenni na juu mo wø lam, ni wø lam juu moøgø ni ba kunyö yøø, bäŋ gïn mo ŋäcge.

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 57:7

Kwör niine mou you tïïö maal wï kïdi mo bäär døc, nou etha maal bääte kaace thuwø kuna cïpu ko olämme.

Aydheea 58:2

Kiper a manyge manynyø ki yi cäŋ cooth, keda gena jiy mo yïthge met ki man ŋäcge uutjïëthe 'moa. Dëëtge ege tïïö kaamar jiy mo caatha køør bëënynyö, ni ge bëëdö ni caala jiy mo ciik Jwøk marge kärge wiiø. A pëënyge pëënynyö ki man ŋunna geni, keda gena jiy mo ge mëër ki man ena buutge.

Jeremaya 3:6

'Ba ki yïth nïra beet nyeya ma Jöcaya, Wuuö Jwøk acäänö ki aani, a na Jeremaya, ni kööe, ni «?Gïna tïïc Icrielli na caal dhaagø mo cwïnye ogaa wøk ajootï? Ena ci kwör lam moa en bäät thuuri moa bäyö ki tiet jenni moa no onigïït piny bëët, ni bëëde ni tïïya tïï käp kwöreke.

Jeremaya 3:9

'Ba Icriel bääyö mare atïïe na gïn mo jööt ki jïre, ni put paac raanynyø ki køør mana tïïe, ni beeye gïn mo caala luk, kany wø wøør kïte ki jenni.

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Odheea 2:4

'Ba aani thuwø bäŋ bäth ec mo nyoodha jï obwöre moe, kiper geno obwöre mo gena nyïï kääbi.

Odheea 2:6

'Ba kiper manøgønø, øt jööre cïëga cïëgö ki koodhi; ni geera deŋŋe ki kiir nee øt jööre ba joode këët.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 12:34

?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Mathiew 16:4

Jø pinyi ni reyø ii ni wø kwier luum Jwøk en, ge manynya ŋïï. 'Ba bäŋ ŋïï mo nyooth jïge. Beeye ŋïï mar Joona keere noo nyooth jïge.» Køøre Jecu jøøgø awiie ni aae.

Mathiew 23:33

?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Mathiew 3:7

'Ba kanya ö Jøønni na neen jø Paricith mo thööth ki jø Cajucith ni ge ööa baŋ lwøk na nyuudhi, ena köö jïge, ni «?U na nyïï thwöre en, aŋa na kööm uuni ni bwøgu ki wëër mano ööi?

Luk 3:7

Kiper manøgønø, Jøøn wø köö jï lwaae mo wø ö wøk baŋe nee lwøe na nyuudhi, ni «?U na nyïï thwöre en, aŋa na kööm uuni ni bwøgu ki wëër mano ööi?

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.