Aydheea 57:16 - Wëël Jwøk

¹⁶ Kiper a ba bëëdö naa jälla geni cooth, naa ba gooti ki geni cooth; kiper noo nøøya ge, jwïëcge ränynyö nyïma, ni beege jwïëy moa cïba jïge, ge na cwääa.

Aydheea 57:16 Iomraidhean Croise

Wïlöölö 6:3

Køøre Wuuö Jwøk aköö, ni «Jwïëy 'moa ba doo bëëdö ri dhaanhø na bäre bäre, kiper ena dëël jaak. 'Ba aŋuun cwiiri moe tïmö na dïpa ki pïërariiø.»

2 Camiel 24:16

'Ba kanya ö nyïïatwiel maalli na rwiec cere nee Jerucalem raanynye, Wuuö Jwøk cwïnye apädhö kiper gïna leth na tägö dëët jiy, ni kööe jï nyïïatwiel maal mana 'näk jiy, «Manøgø rømø nø. Ennø, jook cerï nø.» 'Ba kar kaagø, nyïïatwiel maal mar Wuuö Jwøk ena buut laara mar Arawna nyï Jeebuc.

Jööp 12:10

Jwïëc gïïa kwøw bëët ena cere, ni bee eni na tïïc jiy bëët nee jwïëcge.

Luup Dïpööy 12:7

Køøre nø, tør døøa yïth ŋøøm na käl yi gø, ni ö jwïëyi ni døø baŋ Jwøk na cïp gø.

Aydheea 27:8

'Ba ajäla mana tïïc Wuuö Jwøki, atïïe ni ee rømø kiper jø Icriel, ni cöör ge wøk kaawat man wø tïïc apwøyaweerø man wø kwönni ki jï løø kur tuul-cäŋ.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 42:5

Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Jeremaya 10:24

Wui Wuuö Jwøk, pwöny aani ka ajäla mana näk kare, mo ree bäŋ wëër, naa ba ränynya.

Jeremaya 3:5

?Aperŋø nø ni poot bëëdï niï wëëyö cooth, niï poot bëëdö ni ïïno gootø na bäre bäre?›? Neenï, këël na caanï luupögø, ï poot tïïö ki gïïa reyø mo wø løny jïrï jaak.»

Jeremaya 38:16

'Ba nyeya ma Cëdëkiya akööŋ mëëth ki piny jï Jeremaya, ni kööe, ni «Ŋëët Wuuö Jwøk, Jwøa kwøw, eni na cïp jwïëy moø, ï ba nääa, niï ba cïba ceŋ jøøi ni many jwïëy moï ii.»

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Amøc 1:11

Wuuö Jwøk aköö na ennø, ni «Kiper mana ö jø Ëdömmi na kaathge bääyö marge, a ba døø ŋääa ki man jääla geni, kiper na ŋwiecge køør nyïïmëëkge ma jø Icriel ki tøøŋi, ni wecge bäth cwïny mana dege tïïö. Ni ö wëërri marge ni pälle, ni bëëde ni nut cooth.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Kwään Jiy 16:22

'Ba Modhe ka Aran rege agøøge piny, ni köge, ni «Wui Jwøk, ïïni na Jwø jwïëy mo jiy bëët, ?aŋø, ni näk mo bääya dhaanhø aciel, ï doo wëër ki lwaak bäre?»

Ibaru 12:9

'Ba jïïø da wëëe piny thuwø mo wø pwönynya øøni, ni wøørø geni. ?Aŋø nø, ni ba jïëø ki Wää jwïëy 'moø ni kwøø?