Aydheea 57:14 - Wëël Jwøk

¹⁴ 'Ba Wuuö Jwøk oköö, ni «Thørru jöö, thørru, ni jiiŋŋu gø, daagu jammi bëët mo wø cwany tiel øtjöör jiya.»

Aydheea 57:14 Iomraidhean Croise

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 40:3

Da dwøl mo wïnyö mo cwödö, ni «Jiiŋŋu jöör Wuuö Jwøk dï paap, tïïu ki øtjöö dïtëën mo thïïŋ mo dwøŋ kiper Jwøk marø.

Aydheea 49:11

Kwöra näk kïte bëët tïïa tïïö na nyeŋ jïëthe, ni ö nyeŋ jïëthe 'moa moa døøŋŋø ni thøri.

Aydheea 62:10

U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Wëëlö Mana Göör Pøølli Baŋ Jø Röm 14:13

Kiper manøgønø, kär dëëtø jällø këët, 'ba beerra man caarø wïthø ni ba kïthø jöör cöögø ki gïn mo cwanynya tiel wala dïdëët.

1 Körin 1:23

'Ba waani, wa wø køpa gø ni Krictø anäk bäät jaadha no odëëdö, ni wø ö jø Juuthi ni wø cwanyge tietge ki gø, ni näk luum bøøl ki jï juurre.

1 Körin 8:13

Kiper manøgønø, ni näk beeye cam rïŋö wø wëëk coka pädhö, a ba doo cämö ki rïŋö na bäre bäre, kiper ni näk maa cämö, kanymør coka wëëga pädhö.

1 Körin 8:9

'Ba beeye gïn en keere, beerra man gwøgu rou, nee pät maru ba tïme na gïn wø ö jøøa näk ŋäädhe marge poot thiinh ni cwanyge tietge ki gø.

2 Körin 6:3

Bäŋ ŋat mo jööre kïthwa ki dïdëët, kiper nee bäŋe ŋat mo jøøŋ tïïc marwa.

Ibaru 12:13

Ni tïïu ki uutjïëthe mo thïŋŋö kiper tietu, kiper nee ŋat wø kwömi nee waŋ ocwiie ba needunynya, 'ba nee bëënynye.