Aydheea 57:10 - Wëël Jwøk

¹⁰ Uuna ööl kiper waŋjöö maru na bäär døc, 'ba u kär köö, ni ‹Bäŋ gïn ŋääthwa këët nø.› 'Ba uuna jïtö ki teek mo nyään, ni bäŋ öölö mo you joodø këët.

Aydheea 57:10 Iomraidhean Croise

Aydheea 47:13

'Ba ïïna ööl jaak ka acaare moa thööth na kwanyï. Beerra man ö jø wø kwaan ceer, ni wø caan gïï mo poot ena nyïm ki køør ceer ki päär mar dwääy, ni öge maal kuna piemge ïïni cer gïno leth mano ö bäätï.

Jeremaya 18:12

'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 2:25

Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 2:36

?Aŋø ni wïïrï yïthakic jiy en, ni wellï uutjïëthe moï en? Wïïï olää jø Ijepi, kaawat mana ö jø Aciria na lääge wïïï.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 9:5

Ni ö ŋati man nø ni bëëde ni cøøga wati, ni bäŋe ŋat mo cäänö ka adïëri. Lëëpge aŋiicge ki car tööt, ni öölge dëëtge ki tïïc gïï mo reyø.

Edhikiel 24:12

'Ba eni, aana ööle ki tïïc jaak, ni gïïa reyø na en yie kär ö wøk. Ennø, kïtha yi maac.

Abakuk 2:13

?Neennu, aŋø, Wuuö Jwøk, eni na wïth jammi bëët, paa eni na caan gø ki man näk mo beeye maac noo pwøc öölö mar jiy, ni ö öölö mar wïth juurre ni cami paapi?

Wëëlö Mana Göör Pøølli Baŋ Jø Röm 7:9

Kiper dïkwøŋ kanya bëëda ni bäŋ ciik Jwøk mo ŋääa, a bëëdö naa kwøw. 'Ba kanya ö mana cem Jwøki, raay acär, ni thøøa.