Aydheea 57:1 - Wëël Jwøk

¹ Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.

Aydheea 57:1 Iomraidhean Croise

1 Nyeye 14:13

Ni ö jø Icrielli bëët ni jwöŋge kipere ni koonyge eni. 'Ba beeye eni keere noo koony yi bwörö røk jø dhi øt Jeröbäm, kiper beeye eni na jït Wuuö Jwøki Jwø Icriel baŋe ki gïn mo beer røk jø dhi øt Jeröbäm.

2 Nyeye 22:20

'Ba kiper manøgønø, ï thøw ni läpï køør kwäyu ni paac poot beer, ni koony ïïni yi bwörö marï. Japa reyø bëët moo käla bäät paani ba jootï ki waŋï.› » Køøre, jøøa jääŋŋi gena døøk ni caange luubö manøgø jï nyeya.

2 Luup Nyeye 32:33

'Ba Edhekaya ena thøw ni läp køør kwäcge, ni koonyge gø kar bwör moa en maal mo nyïïkwaac Deebit; ni ö jø Juuda bëët ki jø Jerucalem ni wøørge thøø mar gø. Ni ö wääde ma Maneeca ni läw kar gø na nyeya.

2 Luup Nyeye 34:28

'Ba ka adïëri møn, ï thøw ni läpï køør kwäyu, ni koony ïïni yi bwörö marï ni paac poot beer. Japa reyø bëët moo käla bäät paani ki bäät jø wø bëëdö yie, ba jootï ki waŋï.› » Køøre jøøa jääŋŋi gena døøk ni caange luubö manøgø jï nyeya.

2 Luup Nyeye 35:24

Ni ö jø kööre moe ni kälge eni wøk ki yi jää leny man wø tuut okweenynyi mana këëli yie, ni kïthge gø yi jääy mare maya, ni kïthge gø Jerucalem; ni put thøø. 'Ba akoonyge buut bwör mo kwäye. Ni ö jø Juuda bëët ki jø Jerucalem ni kïïnge gïr gø.

Dut Pwøc 12:1

Aydheea 42:25

Kiper manøgønø, wëër mare ni wø liel kaamar maac, na caal mäc leny, akøny bäätø, ø na jø Icriel, ni wëëk maac liel ki deŋ Icriel bäre; 'ba øøna bëëdö ni tier gø poot ba kwanyø. Øøna waaŋ Wuuö Jwøki ki maac, ni bëëdø ni bäŋ gïn mo caarø kiper gïna tägö.

Aydheea 47:11

'Ba gïï mo reyø otägi dëërï, ni tïme ni ba løny jïrï ki man kälï riï wøk ki køør jap ajuuk; ni ö gïï mo leth ni päthge bäätï, ni tïme ni ba løny ki man paanyï ge, ni ö ränynyö mo kanya käl yie kuyï ni ö bäätï ni cwöba riï.

Aydheea 47:7

'Ba ï poot köö, ni ‹Aani, a bëëdö ni aana cuumi na bäre bäre.› Gïïögø kärï maar caar, ni gïno duue dëërï kärï lääŋŋö.

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Jeremaya 18:11

«'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 22:10

Kär nou jwöŋö kiper Jöcaya, nyeya mana thøw, ni ba kïmmu kipere; 'ba jwöŋu ni yïthu you keeyø kiper Jeyöakac, nyeya mana mak ki tøŋ na käl, kiper eni ba duui këët, ni ŋööm poge ba neene.

Edhikiel 21:3

ni kööï ni man beeye luumma caan Wuuö Jwøki, ena köö, ni ‹Aana gootø ki ïïni. Aani opëëllö mara wödha wøk ki yi køp mare ni puta jiy moa bëëtge beyø ki moa bëëtge reyø 'näk.

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Milkiya 2:2

Ni näk mo ïthu ba cegu, ni ba kanu gø cwïnynyu ki man wøørru nyeŋŋa, u jääla jäälö døc, ni tïïa gwïëth man wø gwïëthu jiy ki gø na acïëni. Ka adïëri møn, gwïëth maru yaa nø cien ennø, kiper ciik mara käru kan cwïnynyu.

Kwään Jiy 23:10

?Aŋa ni løny jïre ki man kwaan nyïïkwaac Jeekap ni caal tør ii? ?Wala aŋa ni maar lønyø jïre ki man kwaan ŋweer lwaak keere mar jø Icriel? Beerra man thøøa ki thøw jø wø marge beer, ni tïm aŋuun kwøw mara ni caala marge.»