Aydheea 56:5 - Wëël Jwøk

⁵ a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Aydheea 56:5 Iomraidhean Croise

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 48:19

Jø oööi ki rou kwäänge doo tïmö ni thööth kaamar akwöny deŋ naama dwøŋ, ni tïm kwään nyïïkwaayu ni thööth kaamar nyeŋ akwöö. Nyeŋge ba doo kïï wøk, ni ge ba doo raanynyø nyïma.»

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Aydheea 62:2

Wui Jerucalem, bëënynyö marï ojoot wïth juurre, ni ö ajiemmi marï ni jooti ya nyeye bëët; ïïno cwøl ki nyeŋ mo nyään, ni beeye nyeŋ mano cur dhi Wuuö Jwøk.

Aydheea 66:20

Køøre jiy bëët moa bëëdö kaamar nyïïmëëgu ki køør ŋäädhe, okälge ki baŋ wïth juurre bëët, ni kälge ge jïra, a na Wuuö Jwøk, kaamar muuce mo beel. Geno ööi ki ge ni käärge ka bäät okwëënyi, ki yïth jïëth okwëënyi, ki yïth pëëmme, ki bäät gääŋŋe, ki bäät athïrööle, ni kïthge ge bäät kïdi mara na en kur keere na näk Jerucalem, ni caala man wø ö jø Icrielli wø kälge muuce moge mo beel ni käärge ka yïth jammi mo tøŋ ni ge kïtha ge yi Øt Wuuö Jwøk.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Jepaniya 3:20

Dïcäŋöca u cooŋa cooŋø ni duua uuni pou. Aani, u mooa mooø ki wödö ki pwøc ki yïthakic wïth juurre bëët mo bäät ŋøøm, kanyo cäŋa bëëtö maru dwøk kare ni nëënö jïïu ki nyeŋŋu.» Luummögø caana Wuuö Jwøki.

Mathiew 16:18

'Ba a caana gø jïrï, ni nyeŋŋï beeye Piter, ni bäät kïdi man en acooŋ Jwøk mara otïïa bääte. Ni ba løny jï teek kar bëët jwïëc jøøa näk othøw ki man bööt gø.

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Epeca 2:22

Ni beeye eni na ö uuni thuwø ni wø geer u ree, kiper nou tïmu na kar bëëtö mar Jwøk ki køør Jwïëye.

1 Timöthi 3:15

kiper noo näk maa ruu, nee bëët dhaanhø mana dee bëëdö ki gø ya acooŋ Jwøk nee ŋäyï, na näk beeye acooŋ Jwøa kwøw, na näk werø, na cuŋ adïëri ree.

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

1 Jøøn 3:1

Neennu a mëër mo nyïëdi na wëëk Wuue øøni, ki man cwøl øøni ni øøna nyïï Jwøk, ni näk adïëri. 'Ba gïn wø ö pinynyi wø kuc øøni, beeye kiper mana kuc eni.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.

1 Camiel 1:8

Køøre cwøre ma Elkana wø köö jïgø, ni «?Anna, ï jwøgï ŋø? ?Ï ba cämï aperŋø? ?Aperŋø ni bëëdï ni cwïnyï opädhö en? ?Aŋø, ba letha pera jïrï ni kaala obwöre mo thööth?»