Aydheea 55:6 - Wëël Jwøk

⁶ Manynyu Wuuö Jwøk kany poode ni nut en; cwøllu eni kany poode ni kare cään en.

Aydheea 55:6 Iomraidhean Croise

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

2 Luup Nyeye 19:3

'Ba ïïni, poot da gïrpiny mo beer jïrï, kiper jenni moa näk otieŋø na no ocaa ri jwø wø cwøl na Acara akälï wøk yi ŋööm Juuda, ni cïbï cwïnyï køør many Wuuö Jwøk.»

Edhera 10:2

'Ba Cekaniya wär Jikiël, mo käla ri nyïïkwaac Ilam, aköö jï Edhera, ni «Waani, waana tïïö ki gïn mo raac dëër Jwøk marø, ni beeye mana nywømwa nyïï juurre; 'ba wa na jø Icriel, këël na bëëtwa ki bëëtö manøgø, poot da ŋäädhe kiperwa.

Jööp 8:5

'Ba ïïni, ni näk mo Jwøk iï manynyø, ni kwayï eni na en teeki jïre,

Dut Pwøc 75:1

Pwöc Leec Wïc 8:17

A mëër ki jø wø mëër ki aani, ni jø wø many aani ki cwïnyge bäre a wø jootge joodø.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 26:9

Cwïnya bëëdö ni lääŋŋa ïïni ki wärre bëët, ni ö jwïëya ni bëëde ni manynya ïïni døc. Kiper ŋøl marï na näk adïëri kanyo ö bäät piny, jø bäät piny ge kwänynyö ki bëët adïëri.

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 49:8

Man beeye dwøl mana caan Wuuö Jwøki, ena köö, ni «Ki kanyo näk ma kare, løk pïëc marï løøa løø jïrï, ni kønya ïïni dïcäŋo näk cäŋ pïëm man piem jiy yie. Ïïno gwøa ni tïïa ïïni ni ïïna ŋato wëëk luumma tuuda ki jiy thur kare jïge, ni cäŋï ŋöömö manøgø dwøk kare, ni tïïyï kwöra no odööŋ keerge nee cäŋ beetø;

Aydheea 58:9

Køøre noo cwøllu aani, a na Wuuö Jwøk, aani döötu wïnynya wïnynyö, ni kany wø jwöŋu kiper køny, løøa løø, ni ‹Aani en.› Ni näk mo tëëra peek ni wø caal jaath man wø rïï ŋut dhieŋ ri puur you käl wøk göök jiy; ni weyu jiy ki nyøthø ki lweetu nou jøøŋŋa ge;

Aydheea 65:10

'Ba kiperge, ge na jiya moo bëëdö ni manynya aani, Goor Carön otïmö na kar kwaath mar pïïth dïëk moge, ni ö Goor Akör ni tïme na kar rïc jï pïïth dhäk moge.

Aydheea 65:24

'Ba kany wø pootge ni ge poot kär pëëö, løøa løø jïge, ni kany wø pootge ni ge poot cäänö, döötge puta ka wïnynyö.

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Edhikiel 14:6

«Kiper manøgønø, caanï jï jø Icriel ni man beeye luumma caan Kwäärö Wuuö Jwøki, ena köö, ni ‹Løgu cwïnynyu ni weyu kït gïï wø lammu, ni kälu wïthu wøk ki bäät gïïa näk yia raac ki ge bëët ni wø tïïyu.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Edhikiel 8:6

Køøre ena cäŋ köö jïra, ni «?Wär dhaanhø, japi ni raac eci døc ki ge ii na tïïc jø dhi øt Icrielli kany en, ni beege japo tïïc aani naa tïma ni kara bäär ki øtø mara na en kur keere, nëënö jïrï? 'Ba ïïni, ï cäŋa jïtö ki jammi mo ec raac ki ge døc mo kaala moi.»

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Amøc 5:6

Manynyu Wuuö Jwøk kiper nou bëëdu nou kwøw. 'Ba ni näk mo ba tïïyu, eni nakwïïth kaamar maac dhi øt Jocep, ni waaŋ Bëthël ni bäŋ ŋat mo bïp gø.

Joona 3:8

'Ba jiy ki lääy keece wär bëëtge ni ena dëëtge, ni ö jiyi ni jwöŋge døc dëër Jwøk, ni ö ŋati man nø ni løk ree ni wec jöör raay moe ki gïïa reyø ni wø tïïe ki ceŋŋe.

Mathiew 5:25

Wärï laar møør bäät ŋat mo manynya løøk ki ïïni ni tïïyï gø na nyawadu, kanyø poodu nou cäätha kar løøk, kiper nee eni ni pee ïïni kar løøk enø, niï ba cïp cer dïŋut luup, ni ö dïŋut luupi ni cïp ïïni cer ŋat koor, ni ö ŋat koorri ni kïth ïïni øt twöc.

Luk 13:25

Kanyo ö wää øte no ö maal, ni dëët øtø, uuno cuŋŋi wøk nou døøŋŋa dhi øtø, nou köö, ni ‹Kwäärö, japï jïwa.› 'Ba oduue jïïu, ni ‹Uuni, kanya ööu ki yie kuua.›

Jøøn 8:21

Ni cäŋ Jecu köö jïge, ni «Aano aay, ni cayu aani, 'ba uuno thøw yïth raay mou. Ni kuno cøøa yie, u ba dou maara ö yie.»

Epeca 3:13

Kiper manøgønø, a kwaya uuni, kär cwïnynyu wëëgu pädhö ki gïr gïï ni leth ni jwøra kiperu en. Kiper ge kännö ka ajiem jïïu.

Tiet Ciik 4:29

'Ba Wuuö Jwøk na näk Jwøu omanynyu kanyo enu kaace, 'ba eno jootu kanyo näk mo eni you manynyø ki cwïnynyu ki jwïëyu bäre.

Tiet Ciik 4:7

?Aŋø, da wï jur mørø mo dwøŋ mo jïge da jwøk mo kare cään ki geni, kaamar Wuuö Jwøk na näk Jwøø ni wø kare cään ki øøni, ni wø wïny lam marø kany wø kwaaø gø?

Ibaru 2:3

?a øøni, øøno bødhø nidïï, ni näk teeŋ pïëm man piem jiy ki gø manø ni dwøŋ enø yøø wiiø? Kiper akwøŋ Kwäärö køp, ni ö jøøa wïny dwøre ni nyoothge gø jïïø ni beeye adïëri.

Ibaru 3:13

'Ba beerra man köömmu røgu keeru cooth, kany poode na dïcäŋi en, nee bäŋe ya dhaanhø aciel dïïu mo cwïnye tïmö ni teek kiper mano cøøgi ya raayi.