Aydheea 55:2 - Wëël Jwøk

² ?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 55:2 Iomraidhean Croise

Bwøth Wøk 15:26

Ni kö Wuuö Jwøki, ni «Ni näk mo dwøra leŋŋu leŋø, a na Wuuö Jwøk na näk Jwøu, ni tïïyu gïna beer nyïma, ni cegu ïthu ki gïïa cema, ni gwøgu ciik 'moa bëët, täwe moa kïtha bäät jø Ijep ba kïtha bäätu; kiper beeye aani na Wuuö Jwøk ni wø køny uuni.»

Pwöc Leec Wïc 1:33

'Ba ŋato wïny mara obëëdö no ogwøø, ni bëëde ni yie met ni ba lwäär ki gïï wø leth wø tägi.»

Pwöc Leec Wïc 7:23

gøøc mano ö tøŋŋi noo tuc yi cwïnye. Kaawat man wø ö wenye wø läät ya abïëp, kuue ni jwïëye di raanynyø.

Pwöc Leec Wïc 8:32

«'Ba ennø, obwöre, wïnynyu mara; gwïëth en jï jø wø gwøk uutjïëth tïïe 'moa.

Pwöc Leec Wïc 9:5

ni «Ööï, ni cämï ki cam mara, ni mädhï ki køøŋ nyïïomøki mana nywøba.

Luup Dïpööy 6:2

Jwøk løny ki man mooc dhaanhø ki jap kwär, ki gwel, ki dööŋ kar, nee dhaanhø bëëde ni bäŋ gïn cane røk jammi bëët mo wø manynye ki cwïnye; 'ba Jwøk ŋatøgø ba tïïe nee yie mïnne ki japøge, kiper beeye ŋat mo path noo yie mïnni ki japøge. Manøgø beeye gïn mo bäŋ tiere ni beeye rääm mo raac døc.

Aydheea 1:19

Ni näk mo u jïëy ni kïthu luumma bäät tïïc, gïïa beyø moo ciek yïth ŋøøm cammu camø;

Aydheea 10:27

'Ba dïcäŋeca, tëër mana peek mar nyeny Aciria otïŋ maal göögu, ni ö jaath puurri mare man wø rïï ŋut, ni käli wøk ŋutu, ni ö jaath puurri manøgø ni toore kiper lørø maru.

Aydheea 25:6

Wuuö Jwøk, eni na wïth jammi bëët, tïïö ka atïya bäät kïdi man jï wïth juurre bëët mo bäät piny; 'ba atïya mano tïïe beeye køøŋ nyïïomøki mo met, ki rïŋ mo lääy mo cuu moge päŋ ki mädhi, ki køøŋ nyïïomøki mana luy na met.

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Aydheea 46:6

Da jiy mo warkey wø kunyge wøk ki yïth opïri moge, ni rømge gwel-bïrö bäät gïr røm, ni cwötge ki ŋat mo waŋe riek ki tïï warkey, ni ö ŋatøgø ni tïïc gø na kït gïn wø lam. Kanyøgønø, cøŋge këëlge piny nyïme ni wøørge gø.

Aydheea 51:1

U ni wø caath køør bëënynyö, ni wø many Wuuö Jwøk, wïnynyu mara. Neennu kïdi mana kälu ree, ni neennu kïdi mana kuuny uuni wøk ki dëëre.

Aydheea 51:4

U na jiya, wïnynyu mara; u na wï jur mara, cegu ïthu, kiper ciik ööa wøk ki baŋa, ni ö ŋølli mara na näk adïëri ni tïme na tar jï wïth juurre;

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 62:9

'Ba jiy moo cooŋ beel, beel camge camø, ni pwøcge aani, a na Wuuö Jwøk, ni jiy moo cooŋ nyïïomøki, kwøk nyïïomøki omaathge yi kal mara na en kur keere.»

Aydheea 65:23

Geni, ge ba ööl këët ki gïn mo bäŋ tiere, no obwöre moo nywølge bäŋ gïï mo leth mo pïï dëëtge këët, kiper geno tïmö na jiy mo ogwïëth Wuuö Jwøki, ge ki nyïïkwaacge bëët.

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Jeremaya 17:24

'Ba uuni, ni näk mo mara wïnynyu wïnynyö na kare, ni ba käädu ki tëër nou cura dhøk kiir man ki cäŋ jwömö, 'ba u gwøga cäŋ jwömö nee bëëde ni ena kur keere na mar Jwøk, ni bäŋe tïïc mo tïïyu dïcäŋögø,

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 31:14

Aani, dïlämme caama caamø døc ki cam mo päl, ni ö jiya ni jäŋge ki gïïo beyø noo cïba jïge.» Luummögø caana Wuuö Jwøki.

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Abakuk 2:13

?Neennu, aŋø, Wuuö Jwøk, eni na wïth jammi bëët, paa eni na caan gø ki man näk mo beeye maac noo pwøc öölö mar jiy, ni ö öölö mar wïth juurre ni cami paapi?

Mathiew 15:9

Naa wøørge ka wödö mo oballe jaak, ni ge pöö ka pwöc jiy ni keda luum Jwøk.› »

Mathiew 22:4

Ni cäŋ laaŋe moe møøk jääŋŋö, ni kööe, ni ‹Caannu jï jøøa näk ocwølø kar cam nywöm, ni «Ennø, cam anø jiiŋŋa, ni rwädhe ki røøe 'moa moa no olør yaa nø 'näk, ni jammi bëët onø jiiŋŋø. Ööu kar cam nywöm.» ›

Mathiew 5:6

«Gwïëth en bäät jø wø näk owär kiper bëënynyö marge kaamar dhaanhø mo onäk käci ki riew, kiper geno wëëk jäŋö.

Maak 7:14

Køøre Jecu lwaak acäŋ cwøl baŋe, ni kööe jïge, ni «Wïnynyu pwöc mara, u bëët, ni kwanynyu tiere.

Luk 15:23

Ni kälu rwaadha näk olør, ni 'nägu gø, nee ø cämø ni mïn yïthø.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Wëëlö Mana Göör Pøølli Baŋ Jø Röm 10:17

Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.

Wëëlö Mana Göör Pøølli Baŋ Jø Röm 9:31

'Ba jø Icriel na løp køør bëënynyö man wø göök ri ciik Jwøk, kär løny jïge ki man thöörge ciigøgø.

Tiet Ciik 11:13

«'Ba ni näk mo ciik moi ni köömma uuni ki geni dïcäŋi en you leŋø na karge, ni ciik moøgø beege ki man mëërru ki Wuuö Jwøk na näk Jwøu, ni tïnynyu gø ki cwïnynyu bäre ki jwïëyu bäre,

Ibaru 13:9

Kär nou wëëga wïthu maaŋŋø ki pwöc ma teeŋi mo path. 'Ba gïna beerra eni beeye ki man wëëgø cwïnynyø tëënnö ki ri met yi Jwøk, ni patha kiper gwøk ciik mo caammi ni wø bäŋ gïn duuge jï jø wø caath køørge.