Aydheea 55:12 - Wëël Jwøk

¹² Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Aydheea 55:12 Iomraidhean Croise

Dut Pwøc 47:1

Aydheea 14:8

Këël jenni moa bäyö ki moa perge leth mo lur Libaanø, yïthge mïnnö bäätï, ï na nyeny Babiløn, ni köge, ni ‹Ennø, kiper mana dwøk wïïï piny, bäŋ dïŋut jenni këët mo ööa baŋwa nee wa ŋøt piny.›

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Aydheea 54:10

Kiper këël kïte doo dak, ni ö thuuri ni jäŋi, mëër mara ni wø ba jøøl ba dak bäätï, ni ö luum bëët-mëër mara mana tuuda ki ïïni ni ba ŋøle. Manøgø caana a, a na Wuuö Jwøk ni wø nyooth bäth ec mare jïrï.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Jeremaya 29:11

Kiper a na Wuuö Jwøk, acaare moa näk yaa nø caar kiperu ŋääa, ni beege acaare mo duunnö ki bëët mëër jïïu, ni patha acaare mo duunnö ki ränynyö dëëtu, 'ba beeye acaare mo wëëga ŋäädhe maru thur kare yi nyïme.

Jeremaya 30:19

Ni ö dudi mo dwøk met ec ki dwør meeŋ ni wïny ge yïthge. Ni meeda geni ni thööth, ni kwäänge ba døø piny; ni wëëga geni wøør, ni ba bëëtge na jiy mo bäŋ karge.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Edhikiel 17:24

Kanyøgønø jenni bëët moa en yi pwöla oputge ŋäc ni bee aani na Wuuö Jwøk ni wø dwøk jaath mana bäär piny, ni wø tïïc jaath mo ciek nee piidhe ni bäär; ni wø tïïc jaath mo onigïït piny nee näre, ni wø tïïc jaath mo otal nee lødhe. Bee aani na Wuuö Jwøk na caan luummögø; puta ka tïïc nee thur kare.»

Luk 15:10

'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 5:11

'Ba patha manøgø keere, 'ba ø kanynyø thuwø ki nyeŋ Jwøk ki køør Kwääyø ma Jecu Krictø, ŋata joodø døøn kanya ciel ki køøre.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Köløcia 1:11

nou tëënnu døc ki køør teek mare na bäŋ teeŋe, nee cwïnynyu magu, ni cwïnynyu you cïp piny ki met ec,