Aydheea 55:11 - Wëël Jwøk

¹¹ aani thuwø, a na Wuuö Jwøk, luubö man wø ö wøk ki dhaa ba duu baŋa jaak ni gïna manynya nee tïïe käre thöörö, ni gïna jääŋŋa gø kipere käre wëëk thur kare.

Aydheea 55:11 Iomraidhean Croise

Aydheea 40:8

Luum tal ni päth wïïe piny, 'ba dwør Jwøk marø bëëdö na bäre bäre.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 46:10

Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 54:9

«Kiper manøgø, gïno tïïa otïmö ni caala nïr Nöa, kanya kööŋa ni pïï kär ö piny këët na jwïïö. Kaawat manøgø thuwø, ennø, aana kööŋ naa ba gooti këët ki ïïni, wala man cäänna ïïni ki luubö mo teek.

Aydheea 59:21

«'Ba aani, a na Wuuö Jwøk, luubö mano tuuda ki uuni beeye en. Jwïëy 'moa na kïtha bäätu, ki luup 'moa na kïtha dhøgu, bëëdö ni ge ba ö wøk dhøgu, ki dhøk obwöre mou, ki dhøk nyïïkwaayu ki mano täge ennø, këël bäre bäre. Manøgø caana aani, a na Wuuö Jwøk.»

Jeremaya 1:11

'Ba dwør Wuuö Jwøk acäŋ ö bääta, ni pëëny aani, ni «?Jeremaya, agïnaŋø ni nëëni jïrï enø?» Ni kööa, na «A neeta bat jaath wø cwøl ni dïkuri.»

Jeremaya 1:12

Køøre Wuuö Jwøk aköö jïra, na «Ajootï na wøp, kiper a bëëdö ni aana dïkuri, naa koora luubö mara nee thur kare.»

Jeremaya 1:13

'Ba dwør Wuuö Jwøk acäŋ ö bääta ri rietge, ni kööe, na «?Agïnaŋø ni nëëni jïrï enø?» Ni kööa, na «A neeta dak mo twak, mo dhee ee løø wøk ki jï løø wï-piny ni luu baŋwa.»

Jeremaya 23:20

Wuuö Jwøk ba døø ŋääe ki wëër mare këël mano tïïc mana en cwïnye ni wëëk gø thur kare. 'Ba kanyo täk gïïögø ya aŋuun nïne, tiere ojootu na kare.

Jeremaya 25:13

Ni ö luup moa cara bëët kiper ŋöömmögø ni käla ge bääte, ni beege luup moa no ogöör piny yi wëëlli en na car Jeremaya dëët wïth juurre bëët.

Edhikiel 24:14

A na Wuuö Jwøk, luubö mara anø caana. Cäŋ man tïïa yie aløny ni öö. Aani cwïnya ba wara, ni bäŋ bäth ec mo nyoodha jïrï, wala ki man päth cwïnya ki gïrï. Aani ï jääla jäälö ki køør uutjïëthe moï ki japa reyø na tïïyï.› Luummögø caana aani, a na Kwäärö Wuuö Jwøk.»

Amøc 6:11

Adïëri møn, Wuuö Jwøk mare di caanø, ni ö uudi moa døøŋŋø ni nyaa ge piny, ni raany uudi moa therø.

Dhekaraya 1:6

?Aŋø, luup 'moa ki ciik 'moa na köömma geni ki ge ki dhøk jiya ma nyïïkuk Jwøk kärge kwierø ni jïtge ka ajäla? 'Ba køøre raacge akøpge ni köge, ni ‹Wuuö Jwøk, eni na wïth jammi bëët, gïn atïïe dëëtø ki køør uutjïëthe 'moø ki japa reyø na tïïø, ni beeye tiere ni put gø tïïc møn kaawat mana cooŋ gø.› »

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Mathiew 24:35

Maal ki piny opöödhi, 'ba luupa ba dak.

Jøøn 6:63

Beeye Jwïëc Jwøk ni wø cïpi ki kwøw; 'ba teek mar dhaanhø bäŋ gïn tïïe. 'Ba luupa caana jïïu kännö ki kwøw ki ri Jwïëc Jwøk.

Wëëlö Mana Göör Pøølli Baŋ Jø Röm 10:17

Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.

1 Körin 1:18

Kiper luum jaadha no odëëdö bëëdö na luum bøøl ki jï jø wø ränynyi, 'ba ki jïïø, ø wø piem, beeye teek Jwøk.

Tiet Ciik 32:2

Beerra man tïm luup pwöc 'moa ni caala pï køth; ni tøønge kaamar thööy mo tøøna bäät luum mo marr; ni tïme kaamar køth mo thiinhnhi bäät gïï mo opiidhø;

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

Ibaru 6:7

Kiper ŋöömö man wø maath pï køth man wø päth yie cooth, ni känne ki gïï ma wøpe jï jø wø puuri kiperge, wø gwïëth Jwøki gwïëdhö.

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

1 Camiel 3:19

Køøre Camiel adøøŋŋø ni Wuuö Jwøk nut buute, ni ö luupi bëët moa car Wuuö Jwøki jï Camiel ni thurge karge.