Aydheea 54:8 - Wëël Jwøk

⁸ Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 54:8 Iomraidhean Croise

Dut Pwøc 13:1

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 26:20

U na jiya, dønynyu yïth uudi mou, ni cïëgu dhøk odhuule mou bäätu, ni kannu dëëtu ki kany mo thiinh, këël kanyo ö wëëc Wuuö Jwøki noo pöödhe.

Aydheea 40:27

Wui, u na nyïïkwaac Jeekap, ni bee u na jø Icriel, ?aŋø ni ŋuru ni kööu, ni «Waŋjöö marwa arwäänyö ki baŋ Wuuö Jwøk, ni ö luup gïïa leth na en bäätwa ni pöödhe ki bäät Jwøk marwa ni käre ŋølø»?

Aydheea 45:15

Wui, ï na Jwø Icriel, ï na pïëmi! Ka adïëri møn, ïïna Jwøk mo dëërï kanï kanø.

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 49:10

Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 54:10

Kiper këël kïte doo dak, ni ö thuuri ni jäŋi, mëër mara ni wø ba jøøl ba dak bäätï, ni ö luum bëët-mëër mara mana tuuda ki ïïni ni ba ŋøle. Manøgø caana a, a na Wuuö Jwøk ni wø nyooth bäth ec mare jïrï.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 60:10

Wuuö Jwøk aköö jï Jerucalem, ni «Jøøa path, kiir marï ocäŋge geerrø, ni ö nyeye moge ni tïnyge ïïni. Këël na bëëdï niï yaa raanynyø ki gootø mara, mëër mara nyoodha nyoodhø jïrï ki køør bäth ec mara.

Aydheea 63:7

Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Aydheea 64:7

Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Aydheea 8:17

'Ba aani, Wuuö Jwøk na kan täärnyïme ki dhi øt Jeekap koora koorø; ni bëëda naa ŋäätha gø.

Jeremaya 31:3

Wuuö Jwøk ree anyoodhe jïge cøøn kany mo bäär, ni kööe, ni «Aana bëëdö naa mëër ki uuni ki mëër mo bäŋ cuŋŋe; kiper manøgønø, uuna nyïïa buuta ki køør mëër mara ni wø ba jøøl.

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Jeremaya 51:5

Kiper jø Icriel ki jø Juuda kär kwier Jwøge ma Wuuö Jwøk, eni na wïth jammi bëët, këël na bëët ŋööm Babilønni man bëëtge yie en ni päŋ ki raay mo di temmø nyïm Jwø Icriel na en kur keere.

Edhikiel 39:29

Aani täärnyïma ba kana këët ki geni, kiper jwïëya kønynya bäät jø dhi øt Icriel.› Luummögø caana Kwäärö Wuuö Jwøki.»

Abakuk 3:2

Wui Wuuö Jwøk, lïëŋ mar nyeŋŋï awïnynya, ni thäŋ yia ki gïr tïïe moï. Wui Wuuö Jwøk, tïïe moa tïïyï, cäŋ tïïyö kar kany ennø, niï tïïya geni nee ŋäc yïth cwiiri moi. Nyooth met ec këël na bëëdï ni ïïno wëër.

Dhekaraya 1:15

'Ba aana gootø døc ki wïth juurre moa näk bëëtö marge jööt, kiper kanya bëëda ni aano gootø ki mo thiinh, ge poot bëëdö ni ge meeta tïï gïï mo reyø.›

Dhekaraya 1:16

Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

1 Timöthi 1:16

'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.