Aydheea 54:7 - Wëël Jwøk

⁷ Kiper aani, ïïna kwiera ki kany mo thiinh, 'Ba ki køør bäth ec mara na dwøŋ, ï cäŋa ka duu baŋa.

Aydheea 54:7 Iomraidhean Croise

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 11:12

Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 26:20

U na jiya, dønynyu yïth uudi mou, ni cïëgu dhøk odhuule mou bäätu, ni kannu dëëtu ki kany mo thiinh, këël kanyo ö wëëc Wuuö Jwøki noo pöödhe.

Aydheea 27:12

'Ba noo tïme na dïcäŋeca, Wuuö Jwøk tägö ka ajäla mare kaawat man wø dïn beel, ni tägi ka Naam Upareeti këël mano pïïe waŋ naam mar Ijep. Wui, jø Icriel, uuno cäŋ cooŋ kanya ciel, nou käli na aciel aciel.

Aydheea 27:8

'Ba ajäla mana tïïc Wuuö Jwøki, atïïe ni ee rømø kiper jø Icriel, ni cöör ge wøk kaawat man wø tïïc apwøyaweerø man wø kwönni ki jï løø kur tuul-cäŋ.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 49:18

Tïŋu wïthu maal ni lwïthu; jø pou bëët rege acooŋge ni ge ööa baŋu.» Ni kö Wuuö Jwøki, ni «Ka teeŋ man bëëda naa kwøw en, geni ge kïthu dëëtu kaamar jap mïërö, ni meenu ge dëëtu kaamar jap nywöm.

Aydheea 49:21

Køøre pääny tïmö kaamar dhaagø mo cäänö ki yi cwïnye, na ‹?Aŋa na nywøl obwöre moi jïra? Aana dhaanhø mo obwöre moe othum ki thøø, naa ba nywøl këët, ni aano kälö ni aano maa ki tøŋ, naa thääyö jaak. ?Aŋa nø na piith obwöre moi? Ka adïëri møn, aana dööŋ a keera. ?'Ba moi nø ge kälge kaa?› »

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Aydheea 56:8

Kwäärö Wuuö Jwøk, eni ni wø cooŋ jø Icriel moa no okeethø, aköö, ni «Poot da jiy møøk mo cooŋa bäät jiy moa no onø cooŋ.»

Aydheea 60:10

Wuuö Jwøk aköö jï Jerucalem, ni «Jøøa path, kiir marï ocäŋge geerrø, ni ö nyeye moge ni tïnyge ïïni. Këël na bëëdï niï yaa raanynyø ki gootø mara, mëër mara nyoodha nyoodhø jïrï ki køør bäth ec mara.

Aydheea 60:4

Tïŋ wïïï maal ni lwïthï, jiy moï bëët rege acooŋge ni ge ööa baŋï; wäätï gena cäänhnhö ki kany mo bäär, ni nyïï di käärö ki tiet jööthi.

Aydheea 62:4

Køør man ï ba cwøl këët ni ïïna pääny mo okwierø, ni bäŋ ŋat mo köö këët ni ŋöömö marï bäŋ gïrpiny yie. 'Ba ïïno cwøl Wuuö Jwøki ni Dhaaŋŋa Met Yia Ki Gø, ni ö eni ni cwøl nyeŋ ŋöömö marï ni Dhaaŋŋa Nywøma; kiper Wuuö Jwøk yie met ki ïïni; eno mëëyi ki ŋöömö marï kaawat man wø nywøm dhaagø.

Aydheea 63:7

Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Jeremaya 51:5

Kiper jø Icriel ki jø Juuda kär kwier Jwøge ma Wuuö Jwøk, eni na wïth jammi bëët, këël na bëët ŋööm Babilønni man bëëtge yie en ni päŋ ki raay mo di temmø nyïm Jwø Icriel na en kur keere.

Wëël Kïmmö 3:31

Kiper Jwøk jiye ba kwiere na bäre bäre.

Wëël Kïmmö 3:32

Këël doo kännö ki pänh cwïny bäät dhaanhø, cwïnye poot di bäädhö ki køør mëër mare na päl ni wø ba jøøl.

Edhikiel 36:24

« ‹Kiper aani, u käla wøk dï wïth juurre, ni lïma uuni wøk ki yïth mïëri bëët, ni cäŋa uuni duu yi ŋöömö maru.

Mikiya 4:6

'Ba mana caan Wuuö Jwøki beeye en, ena köö, ni «Noo tïme na dïcäŋece, aani, ŋööte cooŋa kanya ciel, ni lema jiy moa no ojarø, ki moa näk bäätge yaa kïthö ki gïï mo leth.

Mathiew 23:37

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

2 Körin 4:17

Kiper gïn ni thiinh ni leth noo laar pöödhö en, jiiŋŋa waani kiper ajiem mana näk adïëri na näk bäŋ cuŋŋe na bäŋ gïn pääri ki gø.

Epeca 1:10

Ni manøgø ee cooŋø ki cwïnye nee tïïe kanyo ö kanya wäŋŋi noo thur kare, kiper nee jammi bëët dwal dëëre, mo maal ki mo piny.

Tiet Ciik 30:3

kar kaaca Wuuö Jwøk na näk Jwøu cwïnye pädhö ki gïru, ni duu uuni ki kwöra näk uuno maa ki tøŋ yïthge, ni cooŋ uuni kanya ciel ki dï wïth juurre bëët moa keeth uuni yïthge.

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»

2 Piter 3:8

'Ba u no omëëya, kär wïthu wïl ki gïn na aciel en, ki jï Wuuö dïcäŋ aciel keda cwiiri ma kuma, ni cwiiri ma kuma keda dïcäŋ aciel.