Aydheea 54:17 - Wëël Jwøk

¹⁷ Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Aydheea 54:17 Iomraidhean Croise

Jööp 1:11

'Ba ennø, tïŋ cerï maal bäät jape mø, ni raanynyï ge bëët, niï ba put janynyø täärnyïmï kiree.»

Jööp 2:5

'Ba ni näk mo cerï iï tïŋ maal bääte, ni ö rïŋ dëëre ki cuu moe ni jïte ki täw, ka adïëri møn, ï pute ka janynyø täärnyïmï kiree.»

Jööp 42:7

'Ba Wuuö Jwøk kanya nø caan luupögø jï Jööp, ena köö ki Elipath nyï Tëman, ni «Aana gootø ki ïïni ki nyïïawäätï moa na ariiø, kiper bäŋ luup mo karge mo you caanø kipera kaawat mana tïïc dhaanhnha ma Jööp.

Aydheea 17:12

Wui, wïnynyu ŋurö mar wïth juurre mo thööth, ni wïnyi en kaamar lwör mar athaŋ naama dwøŋ. Wïnynyu ŋurö mar wïth juurre na näk lwör kaamar pïï mo kwödö ni teek.

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 29:8

Kaawat man wø ö dhaanhe mo ree da käc oläge ki wäär kee eni cämö, 'ba noo pääe, käc poot nut dëëre; wala kany wø läk dhaanhe mo onäk riewi kee eno mäthö ki pïï, 'ba noo pääe, cwaage poot no otal, ni riew kär aay dëëre; lwaak thuwø mana käl røk wïth juurre, ni wø many leny ki jø Dhayan, otïmö na ennø nø.

Aydheea 3:10

Caannu jï jøøa bëëtö marge beer ki man näk mo tïmö ni beer jïge, kiper yïthge omïnni ki køør tïïe moge na beyø.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 41:11

«Ka adïëri møn, jø wø bëëdö ni manynya wëër ki ïïni bëët wïthge olääy ni putge nipäät, ni ö jøøa bëëdö ni gëëmö ki ïïni bëët ni rwäänyge ni tïmge ni bäŋgø.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 50:8

Kiper Wuuö Jwøk ni wø ŋun aani nut buuta. ?Aŋa nø noo pïëmö ki aani? Beerra man ö ŋateca ni ööe nee dëëtwa raŋwa ki gø! ?Aŋa ni many løøk ki aani? Beerra man ö ŋateca baŋa!

Aydheea 50:9

Raŋŋu, Kwäärö Wuuö Jwøk a wø kønye kønyø. ?Aŋa nø noo jääl aani? Ka adïëri møn, jøøka ge ränynyö bëët kaamar abïï, ni ö geni ni cami ya alweela.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 54:15

Ni näk da ŋat mo tuga ïïni ki leny, patha a na tïïc gø; dhaanhø jaak mano tuk ïïni, pädhö nyïmï ni böötï gø.

Aydheea 54:16

«Ka adïëri møn, bee a ki dëëra na tïïc rëëmmö man wø thääth jap leny, ni wø wëëk nywïëny ciek ki maac mo kwadhe ko opïri; ni bee a na tïïc ŋat wø räänyö, nee räänye.

Aydheea 58:14

køør japøgøøni, u jïtö ki met ec baŋa, a na Wuuö Jwøk. U tïŋa maal bäät piny, ni wëëga u cam gïïa beyø yi ŋöömma ci jï kwaru ma Jeekap.» Luummögø caana Wuuö Jwøki ki dhee kiree.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Daniel 3:26

Kanyøgø Nabukedenecör anyiik buut dhi kanya näk maac orubö yie ni wärri, ni put dwøre tïŋ maal døc ni cwöte, ni «Cidarak ki Micak ka Abedenagø, u ni wø tïny Jwøa Dwøŋ ni en Maal, ööu wøk ni ööu kany!» Køøre Cidarak ki Micak ka Abedenagø, gena put ö wøk ki yi maac.

Daniel 6:20

'Ba kanya tïm kare ni cään ki buur mana en Danielli yie, ena cwötö døc ki dwør pänh cwïny, ni kööe jï Daniel, ni «?Daniel, ï na dhaanh Jwøa kwøw, Jwøk marï ni wø tïnynyï cooth aløny jïre ki man piem ïïni dhøk ŋuuwe?»

Mathiew 16:18

'Ba a caana gø jïrï, ni nyeŋŋï beeye Piter, ni bäät kïdi man en acooŋ Jwøk mara otïïa bääte. Ni ba løny jï teek kar bëët jwïëc jøøa näk othøw ki man bööt gø.

Wëëlö Mana Göör Pøølli Baŋ Jø Röm 10:4

Kiper ciik Jwøk bëënna Krictø, kiper nee jiy bëët mo wø ŋäädhö nee ge piem.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

Jøcua 24:10

'Ba aani a kär jïëy ki dwør Beelam. Ni ö eni ni gwïëth uuni ni puta uuni køny cere.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Mana Nyooth 12:10

Ni wïnynya dwøl mo päl maalø, ni köö, ni «Kawaane, pïëm man piem jiy ki gø, ki teek, ki buc Jwøø, ki teek Krictø na røønye apïï. Kiper ŋat wø wac nyeŋ nyïïmëëgø aleeŋ piny, ŋat wø wac nyeŋge nyïm Jwøø ki cääŋŋe ki wärre.

1 Camiel 23:17

ni kööe, ni «Kärï lwäyö, kiper cer wära ma Cøøl ba pïï dëërï. Ï tïmö na nyeya bäät Icriel, ni tïma naa ena køørï. Këël wära ma Cøøl gïnögø ŋääe thuwø.»