Aydheea 54:14 - Wëël Jwøk

¹⁴ Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

Aydheea 54:14 Iomraidhean Croise

Pwöc Leec Wïc 3:24

Ni kany wø nyaaŋï riï piny, ï ba lwäyï, ni kany wø butï, ï jïtö ki niine mo met.

Aydheea 1:26

Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Aydheea 14:4

uuni, duut mar aŋaada man wärru wärö kiper nyeny Babiløn, ni kööu, «Neennu, ŋata caar jiy apädhö, ni ö dïwïti mare ni ŋøle.

Aydheea 16:4

Beerra man bëëtwa yi ŋöömö maru, wa na no oriemmø en, ni tïmu ni uuna kar kan røk jïwa kiper ŋat mo raanynya wa.» 'Ba kanyo tïme ni bäŋ ŋat mo caanna jiy këët, na aranya ocuŋŋö, ni bäŋ dïtwïëte këët yi ŋöömö,

Aydheea 2:4

'Ba eni luup ŋøle ŋølø yïthakic wïth juurre, ni ö wïth juurre mo thööth ni dwøk ge kanya ciel. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 32:17

'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 33:18

'Ba kar kaaca, wïthu oparru ki gïna wara bëëdu nou lwäär ki gø, ni kööu, na «?Aŋø, age ŋata wara bëëdö ni kwaana jammi? ?Aŋø, age ŋata wara bëëdö ni røma jammi? ?Aŋø, age ŋata wara bëëdö ni kwaana uut koor moa no ogeerø ni ena maal?»

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 54:4

«Kärï lwäyö, kiper wïïï ba wëëk lääö këët; kär wïïï laay, kiper wïïï ba lääy. 'Ba wïïï owïl ki laac wïc mar thïnhö marï, ni ba parï wïïï këët ka ajøøŋ mana pïï dëërï ki køør mana bëëdï kaamar cï thøø.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 30:20

Nyïïkwaac Jeekap obëëdö ki bëëtö mo caala mana dïkwøŋ, ni tïmge na lwaak mo tietge yaa këël piny nyïma; ni jääla jø wø caan geni bëët.

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Dhekaraya 9:8

'Ba aani ŋöömö mara ogwøa, nee bäŋe jø leny mo ŋutö ki yie wala mo duuö ki yie. Bäŋ jø dïïm mo ö kuna caarge jiya këët, kiper ennø a nut naa kurö.

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.