Aydheea 54:10 - Wëël Jwøk

¹⁰ Kiper këël kïte doo dak, ni ö thuuri ni jäŋi, mëër mara ni wø ba jøøl ba dak bäätï, ni ö luum bëët-mëër mara mana tuuda ki ïïni ni ba ŋøle. Manøgø caana a, a na Wuuö Jwøk ni wø nyooth bäth ec mare jïrï.

Aydheea 54:10 Iomraidhean Croise

2 Camiel 23:5

«?Aŋø, nyec mar dhi øtø mara ba tïmö ni caala nyec manøgø nyïm Jwøk? Kiper eno tudö ki luubö ki aani mo bëëdö na bäre bäre, ni beeye luubö mana näk ee cïp piny ni ba wiil. ?A ni näk mo enøgønø, Wuuö Jwøk a ba put piem, këël dhi øtø mara, ni wëëk gïï wø mïn eci ki ge bëët thur karge?

Aydheea 49:10

Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Aydheea 49:15

'Ba Wuuö Jwøk aköö, na «?Aŋø, dhaagø wïïe wïl ki nyilaal mare mo dhøøth, ni cwïnye ba pädhi ki gïr wääde mana käl yie kiree? Këël dhaagø wïïe doo wïl, aani wïïa ba wïl ki uuni.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 59:21

«'Ba aani, a na Wuuö Jwøk, luubö mano tuuda ki uuni beeye en. Jwïëy 'moa na kïtha bäätu, ki luup 'moa na kïtha dhøgu, bëëdö ni ge ba ö wøk dhøgu, ki dhøk obwöre mou, ki dhøk nyïïkwaayu ki mano täge ennø, këël bäre bäre. Manøgø caana aani, a na Wuuö Jwøk.»

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Aydheea 63:7

Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 31:36

ena köö, ni «Ni näk mo cäŋ ki dwääy ki ceer tïïc mana cïba jïge ba tïïcge këët, kar kaace nyïïkwaac jø Icriel ge puta tïmö ni ge patha wï jur këët mana en cera.» Luummögø caana Wuuö Jwøki.

Jeremaya 33:20

ni «Luumma caan Wuuö Jwøki beeye en: Ni näk mo løny jïïu ki man raanynyu gïna tuuda kiper waŋcäŋ ki gïna tuuda kiper wäär, nee waŋcäŋ ki wäär ba bëëtge kwörge kanya näk owäŋŋö,

Edhikiel 16:42

Køøre nø wëër mara käla wøk bäätï, ni ö këëny cwïny mara ni paany ree bäätï, ni bëëda ni cwïnya yaa bäädhö ni bäŋ wëër cwïnya ki ïïni këët.

Edhikiel 34:25

« ‹Aani, a tudö ki luum bëët mëër ki jø Icriel, ni ö lääc paapi moa no owär ni riema ge wøk yi ŋöömö, ni öge, ge na dïëk 'moa, ni wëëga geni bëëtö dï paap ni buutge yi lul jaak ni bäŋ gïn lääŋge.

Milkiya 2:5

Ni cäŋ köö, ni «Gïna tuutwa ki nyïïkwaac Libay, tiere beeye luum kwøw ki bëët-mëër, ni cïba gø jïge kiper naa wøørge, ni ö geni ni wøørge aani ni lwäärge nyeŋŋa.

Kwään Jiy 25:12

Kiper manøgønø, luumma man wø duunni ki mëër atuuda ki eni ennø,

Mathiew 16:18

'Ba a caana gø jïrï, ni nyeŋŋï beeye Piter, ni bäät kïdi man en acooŋ Jwøk mara otïïa bääte. Ni ba løny jï teek kar bëët jwïëc jøøa näk othøw ki man bööt gø.

Mathiew 24:35

Maal ki piny opöödhi, 'ba luupa ba dak.

Mathiew 5:18

Kiper adïëri møn, a cäänna uuni, ni këël kanyo räny maalli ki piny, thääŋ piil ciik Jwøk mo thiinh ba doo rwäänyö, këël mano thur jammi moa wäŋŋi bëët karge.

Wëëlö Mana Göör Pøølli Baŋ Jø Röm 11:29

Kiper muuce mo Jwøk ki cwönne paa gïï mo di wellø.

Tayta 3:5

øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

Ibaru 12:27

'Ba luummi na kööe, ni «Poot da aciel mør,» caana gø ni gïï wø jäŋŋi, daae daa, ni beege jammi moa no ocwääö, nee gïï wø ba maar jäŋ, nee dööŋge.

Mana Nyooth 6:14

Ni ö maalli ni rwäänye keda mar wëëlö mo di dølø. Ni ö kïte bëët ka acuule ni daai kwörge.