Aydheea 53:6 - Wëël Jwøk

⁶ Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Aydheea 53:6 Iomraidhean Croise

Wïlöölö 22:6

Ni ö Eeberammi ni lwør jenni mo waaŋ olämi ki gø, ni cïp ge göön wääde ma Aydhak, ni lwør maac ki caakïïn ni käär ge ki cere, ni putge aay na aciel karge riedi.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 53:5

'Ba eni, dëëre ajïtö ki ŋwiili ki køør japa reyø na tïïø, eni gïï mo leth apïï dëëre kiper raay moø. Gïïa tägö dëëre beeye na jïtø ki bëët-mëër ki køørge; ni bee ŋwiili moa pïï dëëre na jöön dëëtø en.

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 55:8

Kiper Wuuö Jwøk aköö, na «Acaare 'moa ba caal acaare mou, ni uutjïëthe 'moa ba caal uutjïëthe mou.

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Aydheea 6:7

Ni ööe ni gut dhaa ki cugö manøgø ni kööe, ni «Ka adïëri møn, dhiï anø gut gïnögø; ni ö gïïa näk iï baa bëët ni paanyi bäätï, ni ö raayi moï bëët ni wëënni.»

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Edhikiel 3:18

'Ba kany wø kööa jï ŋat raay, ni ‹Ï thøw møn kiper raay moï,› niï ba ci kuna köömmï gø ki man wec raay moe nee jwïëye piem, ŋat raay manøgø thøøa yïth raay moe, 'ba remø mare pëënynya pëënynyö ki ïïni.

Daniel 9:5

waani, waana gaa wøk, ni bääcwa ni tïïwa ki raay, ni gëëmwa, ni løøwa ŋäthwa baŋ gïïa cemï ki ciik moï.

Wëëlö Mana Göör Pøølli Baŋ Jø Röm 4:25

ŋata wëëk thøø kiper moa dhalø, ni cäŋi tïŋ maal kiper nøø jïëc ni marø beer.

Jeemeth 5:20

wär ŋääe ni ŋat wø duu ŋat raay kare, ni mäna gø ki jööre na raac, piema jwïëc ŋatøca ki thøø, ni raay mo thööth ogëëŋe.

1 Piter 2:25

Kiper uuna kwøŋ bëëdö kaamar rööm mo orwäänyö, 'ba kawaane uuna duu baŋ Dïkwääy na näk Dïkuri mar jwïëyu.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

Pïëmme 21:25

'Ba ki yïth nïrögøøni jø Icriel bëëdö ni bäŋ nyeya jïge; ni ŋati man nø bëëdö ni tïïya mana manynye na beer ki jïre.