Aydheea 53:2 - Wëël Jwøk

² Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Aydheea 53:2 Iomraidhean Croise

Aydheea 11:1

'Ba lwiidhø ojoot ki ri Jeci; ni ö bati mano ööi ki ree ni nywøle ki nyey.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 52:14

Jiy mo thööth yïthge othäŋŋi kanyo jootge gø, kiper kïdö mare oraanynyø ni put tïmö ni ba caal kït dhaanhø; ni dëëre bäre ogwayø ni ba caal dëër dhaanhø.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Dhekaraya 3:8

« ‹Wui ï na Jøcua, ni bee ï na Kwääy Lam Mana Dwøŋ, cek ïthï ki nyïïawäätï moø no opï piny buutï yøø, ni beege jøøa näk nyuuthe kiper gïïo tägi yi nyïm. Kiper ka adïëri møn, aani dhaanhnha na caal lwinh jaath 'käla kälö.

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Maak 6:3

?Aŋø, paa eni na dïjëëth opämi? ?Eni paa o Meeri, na näk cöök Jeemeth, ki Jöce, ki Juudac, ki Cayman? ?A nyïïmenni moa näk mään bäŋ wø bëëdö kany ki øøni?» Ni taakge gïr gø.

Maak 9:12

Ni kööe jïge, ni «Ilaaja kwøŋa öö møn, ni dwøga jammi bëët kwörge. ?'Ba agïnaŋø na göör kiper Wär Dhaanhø thuwø? Beeye ni eni gïï mo leth mo thööth dee jwørø ni caanni.

Luk 2:7

Ni lwaare ki kanynye ma nyilaal ma dïcwøø, ni rïëp gø ka abïïe ni pïël gø yi pöö, kiper na tïme ni bäŋ kany mo rømge yie yi øt wëëlle.

Luk 9:58

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Jøøn 18:40

'Ba gena cäŋ rëëdö døc, ni köge, ni «Patha ŋatøgøøni, 'ba beeye Baraba.» 'Ba Baraba beeye nyen ma ŋat ageem.

Jøøn 19:5

Køøre Jecu aö wøk na adun koodhi ena wïïe, ni dëëre orunynyö ka abïï ma dïmuur. Ni kö Paylati jïge, «Neennu, ŋatøca en.»

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

1 Piter 2:14

wala noo näk kwääri mo atude mo ööi ka dwøre kuna jäälge jøøa näk obääyö, ni pwøcge jø wø tïïc gïï mo beyø.