Aydheea 53:12 - Wëël Jwøk

¹² Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 53:12 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Jööp 30:16

«'Ba ennø, cwïnya apädhö; ni ö nïne mo jwør gïï mo leth ni bëëtge naa ege maa.

Bwøth Wøk 15:9

«Ni kö nyimänni, ni ‹Aani a läpö nee ge maa, ni twiera geni ni pääŋŋa jammi moge; ni tïïa gïna manynya dëëtge; aani opëëllö mara owödha wøk, ni raanynya geni ki cera.›

Aydheea 49:4

'Ba aana köö, ni «Aana ööl ki jaak, ni ö kwää dëëra ni øc piny ki gïn mo bäŋ tiere. 'Ba ka adïëri møn, luubö mara ena cer Wuuö Jwøk, ni gïno cool jïra ena baŋe, eni na Jwøk mara.»

Aydheea 52:13

Wuuö Jwøk aköö, ni «Ka adïëri møn, dhaanhnha na näk yaa jierø, jammi otïïe na karge, eno tïmö ni ena maal wïth jammi bëët, no owøørø ni kare dwøŋ døc.

Aydheea 52:15

'Ba eni, wïth juurre mo thööth yïthge othääŋe, ni ö nyeye ni bëëtge ni dhøkge ege miiø ki luumme; kiper geni jammi moa näk kär caanø jïge jootge joodø, ni kwanyge tiet jammi moa näk kärge wïnynyö.»

Aydheea 53:6

Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Aydheea 53:8

Ena käl ni di caarø ni kïtha baŋ ajäla. 'Ba yi beenhnhø maneca, bäŋ ŋat mo ocädö kiper gïno tägi yi nyïm, kiper ena ŋul wøk yi ŋöömö mana näk mar kwøw, ni jwør gïï mo leth kiper raay mo jø pøø.

Daniel 2:45

Man beeye tier gïna jootï kiper thääŋ kïdi mana muk ri kïdi mana näk kär gudö ki cenø, na pet nywïënyö, ki jwïël, ko odhöönh, ki gwel-bïrö, ki warkey. Jwøa dwøŋ gïïo tägi yi nyïm anyoodhe jïrï, ï na nyeya. 'Ba lääk beeye adïëri, ni tier gïna cääne kipere di ŋäädhö na kare.»

Mathiew 26:42

Ni cäŋ døøgø ri rietge ni läme ni kööe, na «Awuuö, ni näk maath athöödhi man ba maar pöödhö, ni ba kääŋi ki man mädha ki gø, tïïc mana manynyï.»

Maak 15:27

'Ba da jø ageem ariiø ma agurge buute thuwø, na aciel ena bäät cwïïe, ni maya ena bäät caame.

Luk 22:37

Kiper a cäänna uuni, ni luummi no ogöörö en doo thura kare dëëra, na køp, ni ‹Eno pääri ki jø wø dhal ciik.› Kiper gïna näk ogöörö kipera, doo thura kare.»

Luk 23:25

Ni pät ŋata kwacge, na näk okïth øt twöc kiper ageem ki 'näk jiy. 'Ba Jecu acïp ceŋge kaa mana manyge.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Wëëlö Mana Göör Pøølli Baŋ Jø Röm 8:34

?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Pilipay 2:17

'Ba ni näk aano tïmö kaamar ogweea ni køny aani bäät jëëdhi na näk ŋäädhe maru, yia met, ni yïthø met, karøbëët.

Köløcia 2:15

Ni ö eni ni dwøc tøøk gïïa jïge da teek maal ki moa näk ocuumö, ni tïïe ni ee nyoodhø jï jiy bëët, ni dïïm geni ki køøre.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Ibaru 9:26

Kiper onää enøgønø, gïïa leth dee jøøyø cøøn, ki kanya täk pinynyi. 'Ba atïmö ni eni ööi ka yie aciel keere ya aŋuun piny man en, ni ba nwøe këët, kiper nee raay wëënne ki køør dëëre na cïbe;

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 2:12

A göönna baŋu, u ni therø, kiper raay mou awec ki køør nyeŋŋe.