Aydheea 53:11 - Wëël Jwøk

¹¹ Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 53:11 Iomraidhean Croise

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Aydheea 45:25

Ki ri Wuuö Jwøk nyïïkwaac Icriel bëët di ŋunnö, ni putge eni jiem.»

Aydheea 49:3

Ni kööe ki aani, ni «Ï na Icriel, ïïna dhaanhnha, ni wø nyoodha ajiem mara ki dëëre.»

Aydheea 52:13

Wuuö Jwøk aköö, ni «Ka adïëri møn, dhaanhnha na näk yaa jierø, jammi otïïe na karge, eno tïmö ni ena maal wïth jammi bëët, no owøørø ni kare dwøŋ døc.

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 53:8

Ena käl ni di caarø ni kïtha baŋ ajäla. 'Ba yi beenhnhø maneca, bäŋ ŋat mo ocädö kiper gïno tägi yi nyïm, kiper ena ŋul wøk yi ŋöömö mana näk mar kwøw, ni jwør gïï mo leth kiper raay mo jø pøø.

Daniel 12:3

'Ba jiy moa wïthge leer ge rieny ni caala tar mar maal. Ni ö jø wø bwøth jiy mo thööth jöör bëënynyö ni rienyge kaamar ceer na bäre bäre.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Luk 22:44

'Ba kiper mana tïme ni cwïnye opädhö døc, ena lämö døc ki cwïnye bäre. Ni ö kwäk mare ni tïme kaamar remø ni tøøna piny.

Jøøn 12:24

Adïëri møn, acaana gø jïïu, ni näk waŋ bëëlö kär päth yïth ŋøøm ni thøøe, waŋ bëëllögø doo bëëdö keere. 'Ba ni näk mo othøw, beeye wø känne ki nyïëdi mo thööth.

Jøøn 16:21

Dhaagø kany wø täk mäc lwaarri dëëre, cwïnye wø pädhö, kiper na ö kare. 'Ba kany wø ö nyilaalli wøk, eni wïïe ba caare ki rääm këët, kiper na tïm yie ni met ki nyilaal mana nywøle.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Wëëlö Mana Göör Pøølli Baŋ Jø Röm 4:24

'ba göör kaperø thuwø. 'Ba øøno jïëc thuwø ni marø beer, ø na näk ojïëy ni ŋääth ŋata tïŋ Kwääyø ma Jecu maal ki yi thøø,

Wëëlö Mana Göör Pøølli Baŋ Jø Röm 5:9

?'Ba kawaane na tïme ni øøno jïëö ni marø beer ki køør remme, a teeŋ pïëm mo nyïëdi noo piem øøni ki wëëc Jwøk?

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Galeecia 4:19

U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

2 Jøøn 1:1

Aana jaan acooŋ Jwøk naa määtha dhaaŋŋa näk ojierø ki nyïïe, jøøa mëëra ki geni ki ra adïëri, ni patha a keera, 'ba këël jøøa ŋäc adïëri bëët thuwø,

2 Jøøn 1:3

'Ba met ec, ki køny, ki bëët-mëër man wø ööi ki baŋ Jwøk na näk Wuuö, ki baŋ Jecu Krictø na näk O Wuuö obëëdö ki øøni ki ra adïëri ki mëër.