Aydheea 53:1 - Wëël Jwøk

¹ ?Aŋø, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?

Aydheea 53:1 Iomraidhean Croise

Aydheea 40:5

Køøre nø, ajiem mar Wuuö Jwøk onyooth, ni ö jiyi bëët ni putge gø raŋ ge bëët. Luummögø caana Wuuö Jwøki ki dhee kiree.»

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Mathiew 16:17

Ni dwøgi ya Jecu jïre, ni «Ïïna gwïëth, Cayman o Joona. Kiper paa dhaanhø na nyooth luummögø jïrï, 'ba beeye Wära ni en maal na nyooth gø jïrï.

Luk 18:31

Ni ö Jecu ni käl bääge na näk apaar kurriiø, ni kööe jïge, ni «Neennu, kawaane ø cøøa yi Jerucalem, 'ba jammi bëët moa göör nyïïkuk Jwøki kiper Wär Dhaanhø othur karge.

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Jøøn 1:7

Ena öö kiper nee cääne, nee gïr tayøgøøni købe, kiper nee jiy bëët jïëcge ni ŋääthge ki køøre.

Jøøn 12:38

Ni beeye kiper nee luumma caan nyikuŋ Jwøki ma Aydheea thur kare, na köö, ni «?Wui Wuuö Jwøk, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?»

1 Körin 1:18

Kiper luum jaadha no odëëdö bëëdö na luum bøøl ki jï jø wø ränynyi, 'ba ki jïïø, ø wø piem, beeye teek Jwøk.

1 Körin 1:24

'Ba ki jï jøøa näk ocwølø, na näk jø Juuth këël jø Gïrïïk, beeye Krictø na näk teek Jwøk, ni näk leec wï Jwøk.