Aydheea 52:5 - Wëël Jwøk

⁵ Kiper manøgønø, Wuuö Jwøk aköö, ni «?Ennø, agïne noo tïïa kany? Kiper jiya akäl jaak ki gïn mo bäŋ tiere, ni ö jiyi moa käär geni ni bëëtge ni ge kwöŋŋö bäätge, ni nyeŋŋa bëëdö ni di janynyø cooth ki yïth nïne bëët.

Aydheea 52:5 Iomraidhean Croise

2 Camiel 12:14

'Ba kiper gïna baayï ni dwøŋ enø, na taagï Wuuö Jwøk, nyilaal marï kiree mana lwaar dhaagø manøgø ki gø puta thøø.»

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Aydheea 22:16

na ‹?Aŋø, da teek jïrï kany? ?Da tuuŋu kany, ni tïme ni bwörö marï iï jiiŋŋø kany en, ni iï tïïö kany mo ena maal, ni iï tieŋø yi kïdi na kar jwöm røk jïrï?

Aydheea 37:28

« ‹'Ba aani, bëëtö marï bäre ŋääa, ki mano täge ki ööny maal marï këël pïïn piny marï, ki døny wøk marï, ki duuö marï, këël wëër marï man wø wëërï ki aani, ŋääa thuwø.

Aydheea 37:6

'Ba Aydheea aköö jïge, ni «Wär caannu jï nyeya maru ni man beeye dwør Wuuö Jwøk, ena köö, ni ‹Käru lwäyö kiper luubö mana wïnynyu, na ö jic nyeny Aciria na janyge aani ki gø.

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 51:20

Kiper dëët jiy moï aööl, ni bëëtge ni geno päänhnhö nyeŋ jïëthe, kaamar aŋer mo omaa ki thøøl, ni ge bëëdö ni geno omeer ki wëëc Wuuö Jwøk, ni beeye juuk mar Jwøk marï.

Aydheea 51:23

'Ba aani, athöönh wëër manøgø lwøra lwørø baŋu ni cïba gø ceŋ jø wø tïïc bëëtö maru ni teek, ni beege jø wø köö ki uuni, ni ‹Butu piny, nee wa cääthwa ki bäätu.› Ni tïïyu dïŋäthu kaamar piny, nee tïme kaamar øtjöö nee cäädhö ki bäätu.»

Aydheea 52:3

Kiper gïna caan Wuuö Jwøki bee en, ena köö, ni «Uuna gath kaamar gïn mo bäŋ gäte, 'ba u wïïla wøk ni bäŋ gwel mo cïp.»

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Wëël Kïmmö 2:3

Eni teek mar jø Icriel bäre araanynye ki køør wëër mare ni wø liel kaamar maac. Eni cer cwïïe adøle ki geni nyïm nyïïmän moge. Eni mïëri mo Jeekap awaaŋe ki maac, ni dïïr wïth jammi bëët këël ki moa en deŋge.

Edhikiel 20:14

'Ba gïnögø kära tïïö kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:9

'Ba gïnögø kära tïïö kiper nee nyeŋŋa ba ränynye nyïm wïth juurre moa enge dïge, ni beege wïth juurre moa nyoodha raa jï jø Icriel nyïmge ki køør mana käla jø Icriel wøk ki yi ŋööm Ijep.

Jepaniya 1:10

Wuuö Jwøk aköö, ni «Dïcäŋöca, oduuru owïnyi ki Dhi Kiir-Rec, ni ö guyö ni wïnye ki thääŋ paac mana nyään, ni ö dööti mo thööth ni wïnye ki bäät thuuri.

Wëëlö Mana Göör Pøølli Baŋ Jø Röm 2:24

Kiper ogöörö, ni «Nyeŋ Jwøk ajøøŋŋi dï juurre kiperu.»

Pïëmme 18:3

'Ba kanya tïmge ni karge cään ki po Mikiya, jø tuuŋ Daan moøgø dwør nyï tuuŋ Libay manø ni poot na wøp enø aŋecge; køøre gena gaa baŋ gø kaace ni köge jïgø, na «?Aŋa na käl ï kany? ?A agïnaŋø ni tïïyï kany? ?Ï bëënnï ŋø kany?»