Aydheea 52:3 - Wëël Jwøk

³ Kiper gïna caan Wuuö Jwøki bee en, ena köö, ni «Uuna gath kaamar gïn mo bäŋ gäte, 'ba u wïïla wøk ni bäŋ gwel mo cïp.»

Aydheea 52:3 Iomraidhean Croise

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Aydheea 45:13

Aani Kiröc anø tïŋa maal ki køør adïëri mara, 'ba nyeŋ jïëthe moe bëët otïïa ni tiir, ni ö eni ni geer pääny mara, ni tïïc jiya moa no omaaø ki tøŋ nee wec, ni bäŋ gwel mo di coolø wala muuy mo dï cïbö.» Manøgø bee dwør Wuuö Jwøk, eni na wïth jammi bëët.

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Jeremaya 15:13

U na jiya, jap kwärö mou ki jammi moa perge leth ocïba jï nyïïmän nee twier kaamar jammi mo bäŋ gätge, ni beeye kiper raay mou na thööth na tïïyu yi paani en bäre.

Edhikiel 16:31

Kanya geerï øt lam marï yïth agääk jïëthe, ni tïïyï kwör lam møga ni iï geerø ni ena maal kwöra laac dï kiir, ïïna tïmö kede ï patha kääbi, kiper ï ba many gwel mo di coolø jïrï.

Edhikiel 34:27

Jenni mo pwöth geno ŋweel ki nyïëdi, ni ö ŋöömö ni wëëk caammi ciek ni thööth, ni ö geni, ge na jiya, ni putge bëëtö ni geno gwøø yi ŋöömö marge. Kanyøgø nø, ŋäcge ŋääö ni beeye aani na Wuuö Jwøk, kanyo käla tëëra peek wøk bäätge na caal jaath puur man wø rïï ŋut dhieŋ, noo piema geni ceŋ jøøa tïïc geni na laaŋe.

Ciik Kiper Dïlämme 25:54

« ‹'Ba këël ni näk mo eni kär wïïl wøk yïth cwiiri moøgø, eni ko obwöre moe ge poot di wiiø kanyo tïme na yi cwiir mar Jubili.

1 Piter 1:18

Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.