Aydheea 52:2 - Wëël Jwøk

² Wui ï na Jerucalem, ï na näk omaa ki tøŋ, teeŋ tør wøk dëërï nø, ni ööï maal! Wui ï na Dhayan na caal nyakøø, ï na näk omaa ki tøŋ, pät oguudi wøk nø moa no otwöö cwaagï.

Aydheea 52:2 Iomraidhean Croise

Aydheea 10:27

'Ba dïcäŋeca, tëër mana peek mar nyeny Aciria otïŋ maal göögu, ni ö jaath puurri mare man wø rïï ŋut, ni käli wøk ŋutu, ni ö jaath puurri manøgø ni toore kiper lørø maru.

Aydheea 14:25

Aciria nyøra nyørø ni raanynya gø yi ŋöömö mara bäät kïte 'moa. Gïïa leth na tïïe na caal jaath puur man wø rïï ŋut dhieŋ di paanyø bäät jiya, ni ö tëërri mare na peek ni tïŋi maal göök jiya.

Aydheea 29:4

Ïïni, ï dwøga piny, ni tïm cäänö marï ni ö wøk ka yïth ŋøøm; dwørï ööa wøk ki yi tør, ni tïm dwørï ni ö wøk ka yïth ŋøøm kaamar dwør jwïëc dhaanhø mo othøw, ni ö cäänö marï ni tïme ni wïnyi ni muuŋö ki yi tør.

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 49:21

Køøre pääny tïmö kaamar dhaagø mo cäänö ki yi cwïnye, na ‹?Aŋa na nywøl obwöre moi jïra? Aana dhaanhø mo obwöre moe othum ki thøø, naa ba nywøl këët, ni aano kälö ni aano maa ki tøŋ, naa thääyö jaak. ?Aŋa nø na piith obwöre moi? Ka adïëri møn, aana dööŋ a keera. ?'Ba moi nø ge kälge kaa?› »

Aydheea 51:14

Ki kany mo cään jiy moa no omaaø ki tøŋ, ge di pädö, ni ge ba thøø kwöra näk geno twöö yïthge, ni ge ba bööli këët ki gïn camge.

Aydheea 51:23

'Ba aani, athöönh wëër manøgø lwøra lwørø baŋu ni cïba gø ceŋ jø wø tïïc bëëtö maru ni teek, ni beege jø wø köö ki uuni, ni ‹Butu piny, nee wa cääthwa ki bäätu.› Ni tïïyu dïŋäthu kaamar piny, nee tïme kaamar øtjöö nee cäädhö ki bäätu.»

Aydheea 60:1

Wui Jerucalem, päny maal ni rienyï, kiper tar marï aöö; ajiem mar Wuuö Jwøk apïï dëërï.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Jeremaya 51:45

«U na jiya, uuno aa wøk dï Babiløn, ni ŋati man nø gwøga jwïëye, ni ŋwieya wëër mar Wuuö Jwøk noo liel kaamar maac.

Jeremaya 51:50

U na jiya, u na bøth dhi tøŋ, u aay! Kär nou bëëdö Babiløn! 'Ba bëëdu nou lääŋŋa aani na Wuuö Jwøk këël na enu kany mo bäär ki Jerucalem, ni bëëdu nou caara gïre.

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Edhikiel 34:27

Jenni mo pwöth geno ŋweel ki nyïëdi, ni ö ŋöömö ni wëëk caammi ciek ni thööth, ni ö geni, ge na jiya, ni putge bëëtö ni geno gwøø yi ŋöömö marge. Kanyøgø nø, ŋäcge ŋääö ni beeye aani na Wuuö Jwøk, kanyo käla tëëra peek wøk bäätge na caal jaath puur man wø rïï ŋut dhieŋ, noo piema geni ceŋ jøøa tïïc geni na laaŋe.

Dhekaraya 2:6

«Wui, u na jiya, ööu maal, ni rïŋŋu wøk ki yi ŋöömma en jï løø wï-piny, kiper aani uuna nø keetha yïth tuk piny moa na aŋween kwör wø ö jamø ki yïthge.

Dhekaraya 2:7

Wui, jø Dhayan! U ni wø bëëdö yi Babiløn, pänynyu wøk!»

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Mana Nyooth 18:4

Kanyøgø dwøl mør awïnynya ni ööi ki maal, ni kööe, «Ööu wøk yie, u na jiya, kiper nou ba kuutu ki eni yïth raay moe, nee jap räny piny moo ö bääte nee ba nywaagu.