Aydheea 52:13 - Wëël Jwøk

¹³ Wuuö Jwøk aköö, ni «Ka adïëri møn, dhaanhnha na näk yaa jierø, jammi otïïe na karge, eno tïmö ni ena maal wïth jammi bëët, no owøørø ni kare dwøŋ døc.

Aydheea 52:13 Iomraidhean Croise

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:3

Ni kööe ki aani, ni «Ï na Icriel, ïïna dhaanhnha, ni wø nyoodha ajiem mara ki dëëre.»

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Edhikiel 34:23

Ni cïpa bäätge ki dïkwääy aciel, ni beeye dhaanhnha ma Deebit. Eni, geno caame; eni ki dëëre geno caame ni put tïmö ni ena dïkwääy marge.

Dhekaraya 3:8

« ‹Wui ï na Jøcua, ni bee ï na Kwääy Lam Mana Dwøŋ, cek ïthï ki nyïïawäätï moø no opï piny buutï yøø, ni beege jøøa näk nyuuthe kiper gïïo tägi yi nyïm. Kiper ka adïëri møn, aani dhaanhnha na caal lwinh jaath 'käla kälö.

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Jøøn 3:31

«Eni na öö ki maal, ena wïth jammi bëët. 'Ba eni ni en piny, beeye ŋat piny, ni jap piny beege wø caane. 'Ba eni na ö ki maal, ena wïth jammi bëët.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.